|
16. hainakuu pääväl pand' Tabina küläst peri Truija suguvõsa umal kokkotulõkil pistü nn suguvõsakivi, mink pääle om umah kodokandi keeleh kirotõt: «Läät ilma pääle, kae tagasi – kodovärehtit ei panda kinni...»
Kivi sais Jõõveere turismitalo moro pääl – talo peremehe Viitkini Mardi vanaesä-vanaimä olliki Truija suguvõsa alostala, kink Polda kodotalo Tabinah om kah'os parhilla piäaigu tüh'äs jäänü. A kivipandmisõ kõgõ suurõmb härgütäjä oll' Truija Harald, kink kodo om parhilla Võromaa tõsõh veereh – Põlgastõ küläh.
Viitkini tiiä-i üttegi tõist suguvõsakivvi, mink pääle olõssi võro keeleh kirotõt.
A nä löüdvä, et eestikeelidse kirägä kivi ei olõssi põlidsõ võrokõisi suguvõsa kivis kuigimuudu pas'nu ja Jõõveere talogi om jo sügäväl Võromaal, õkvalt tõsõlt puult Piusa jõkõ nakkas Setomaa.
| |
|
|
| Kae, miä ütel´!
Jär'est veitembäs jääs näid, kiä hoiassi alalõ mi kodomaa rahvuskultuuri.
Hurda-avvuhinna saaja Petersoni Aleksei nuuri vällämaalõ ärminekist (Koit)
| |
| |
|
|