| |  Pääleht |
| Uudissõ |
| Märgotus |
| Elo |
| | Loe Uma Lehe pdf-i: | | | | | | | | | | | | Tahassi saia Uma Lehe pdf-i egä kõrd hindä meili pääle?
Andkõ teedä info@umaleht.ee pääle!
|
| | |
|
|
| Perimüstandsu festival | | | Tandsupääliin Võro oll’ viis päivä küläliidsi jaos «kokkosaaminõ risttii pääl». Ku kontsõrdi naksi pääle lõunat, sõs hummogupoolõ kõnõldi juttu ja kaeti Võro liina tutvit k89otussit tõsõ nuka alt.
Säinasti Ene jutt ja pildi | | | | | Folkaeroobiga treeneriga selfi. Puulpääva hummogu alost’ Kreutzwaldi pargin paarkümmend inemist folkaeroobikaga Huuse Heleri iistvidämisel. Ku Heleri tege tandsuoppajana kas rahvatandsutrenni vai aeroobikat, sõs no tull’ kats asja kokko panda. A tuu klapsõ väega häste – kaara-jaani ja kargusõ sammõga sai kõigil iho lämmäs ja miil rõõmsas. Perän tahtsõ poisi viil Heleriga selfit tetä. | | | | | Kasvõ nime võro keelen. Kalla Urmas kutsõ jalotama mõttõga «Kae, miä mõtsan ni välä pääl nätä om». Jalotuskäük naas’ki pääle Talina maantii ja ringtii risti päält ja jõudsõ Võhandu veerest liina tagasi. Üüpäävä püsünü vihm naas’ õkva otsa saama ja luudushuviliidsi tull’ kokko kümne ümbre. «Kaemi sõs taa käümise pääl ümbre, miä maa ja taiva vaihõl kasus ja hinnäst liigutas, ja opimi, kuis tuud uman keelen mano kutsu, nii et võissimi tuuga seldsin ellä ja hinnäst koton tunda,» alost’ Urmas tiid. Mõnõ kasvu võrokiilne nimi oll’ kullõjil meelest lännü, a mõni kasv oll’gi sääne, mis om Eestimaal vahtsõmbal aol kasuma naanu, näütüses kitsõhernes. | | | | | Mille kunna kargasõ? Jutupiknik «Varjoliste puie all läävä luu vallalõ» kor’as’ inemise Võro instituudi huuvi vanno kõivõ ala Tootsi Ruthi kõnõlõmist kullõma. Ka tan olli jutu luudusõ ja ilmaga köüdedü. Uma luu om Ruth saanu mitmidõ rahvidõ muinasjutõst, Võromaa rahvajutõst ja ka tõisilt jutukõnõlõjilt. Kullõja olli inämbüs vanõmba inemise, a näilgi oll’ põnnõv kuulda, mille kunna kargasõ vai mille nõkõn kõrbõtas. |
|
|
|
