| Pääleht |
Uudissõ |
Märgotus |
Elo |
| Loe Uma Lehe pdf-i: | | | | | | | | Tahassi saia Uma Lehe pdf-i egä kõrd hindä meili pääle?
Andkõ teedä info@umaleht.ee pääle!
|
| |
|
|
| Vahtra Jaani naasõkodo Vagula veeren.
Pilt om peri Vana-Võromaa kultuurikua muusõumist | | Vagula – võrokõisi Pirita | | 17. hainakuul 1936 kirot’ aoleht Elu, et Võro küle all ollõv Tamula naabrijärv Vagula olõ-i ütsindä Võro kalasportlaisi jaos himostõt viisilm. Kuumõmbil pühäpäivil kubisõs järve liivanõ rand ka supõl-saksõst. Mõnõl pühäpääväl või löüdä Vagula veerest vähämbält sada Võro liina inemist. Et Vagula and kalamiihile parõmbat saaki ku Tamula, sõs käävä ka Võro kalahimolidsõ aig-aolt Vagulalõ.
Paar päivä tagasi jõudsõ peräle Vagula järve alalinõ suvõküläline – kunstnik ja kiränik Vahtra Jaan. Tä käve Võrol vahtsõt piipu ostman, selle et vana piip oll’ Sõmmõrpalon tsiklisõidul kaoma lännü. Nigu Vahtra ka esi ütel’, ollõv tä lasknu uma «laiva» joba Vagula lainidõ sisse.
Periselt oll’ Vahtra Jaanil uma pesäkotus olõman. Nimelt puhas’ tä suvildõ Vagula veeren naasõkoton, mille om üles pildistänü timä suur sõbõr ja paigapäälside inemiisi jaos kunstfotograafina tunnõt Urtsoni Johan.
Täämbädsel pääväl miildüs võrokõsõlõ iks rohkõmb Tamula veeren puhada ja vet kalameheki leotasõ õngõ Tamula pervi pääl. Suurõmba kalasaagi tahtja läävä siski loodsikuga kas Vagula vai Peipsi pääle.
Ruusmaa Arthur,
Vana-Võromaa muusõummõ päävarahoitja | | | Vahtra Jaan uma hää seldsilidse piibuga 1935.
aastal. Kas taasama läts’ki Sõmmõrpalon kaoma?
Pilt om peri Vana-Võromaa kultuurikua muusõumist |
|
|
|