| Pääleht |
Uudissõ |
Märgotus |
Elo |
| Loe Uma Lehe pdf-i: | | | | | | | | Tahassi saia Uma Lehe pdf-i egä kõrd hindä meili pääle?
Andkõ teedä info@umaleht.ee pääle!
|
| |
|
|
Kirä | | Kokkohoitmisõst saa häötämine
Loi ütest illatsõst Umast Lehest päätoimõndaja märgotust, mis lõppi tuuga, et ellä omgi kulukas, parõmp om jo är koolda. Olõ tuu märgotusõga peri.
Olõ Umast Lehest iks lugõnu, miä kõik tassakõistõ tüküviisi maalt är häötedäs. Tahtsõ kõgõ tuu kotsilõ viil üte as’a perrä üldä: ma looda, et tulõ aig, ku kaias tagasi põradsõ ao pääle ja tunnistõdas sääne riigijuhtmisõ viis kuritegelikus, et riik om ümbre muudõtu liin-äriettevõttõs. Olõ-i õigõ, et maainemiisi elo ja sato aastit sisse eletü eloviis säetas ümbre õnnõ tuu perrä, kuis korõmbal ja maast kavvõn inemiisil päähä tulõ, et viil kostki rahha kokko hoita.
Musta Riivo Talna liinast
Mille Piusa jõõ silti olõ-i?
Elo om minnu veenü Harjumaalõ, a käü egä aasta mitu kõrda Vahtsõliina surnuaial esivanõmbidõ havvul. Sõidami egä kõrd kesk Vahtsõtliinat üle Piusa jõõ ja naksi märkmä, et olõ-i määnestki silti, mis jõgi taa om. Kiroti minevä aasta vallavalitsustõ kah, a kiäki es tii vällägi.
Kuusõ Hilja
Vastas Vahtsõliina vallavanõmb Tohvi Raul: «Mi esi kõik tiiämi, et taa om Piusa jõgi ja kes ei tiiä, tulku küsümä. Külälisega om iks hää juttu tetä: saa midägi pakku ja viil ütte-tõist huvitavat mi kandi kotsilõ kõnõlda.»
|
|
|
|