| |  Pääleht |
| Uudissõ |
| Märgotus |
| Elo |
| | Loe Uma Lehe pdf-i: | | | | | | | | | | | | Tahassi saia Uma Lehe pdf-i egä kõrd hindä meili pääle?
Andkõ teedä info@umaleht.ee pääle!
|
| | |
|
|
| Rekordpuu jäl man: Tsooru lõhmus | | | Harju Ülle
Nätäl tagasi mõõtsõ RMK tüütäjä lasõrmõõtjaga är Tsooru pargi kõgõ korõmba lõhmussõ – 35,4 m korgõ puu om Vana-Võromaa kõgõ korõmb lõhmus, Eestin korgusõlt tõnõ.
Tsooru korgõst lõhmussõst and’ teedä tuu kandi miis Lastingu Piitre, kiä oll’ esi puud 20 aastakka tagasi mõõtnu. Tuudaigu kasvi Eestin mitu viil korõmbat lõhmust ja väkev puu kohegi andmõbaasi es jõvva (kae Lastingu Piitre juttu lk 2).
No vaihõpääl omma är häönü Erästvere, Elistvere, Heimtali jt mõisaparkõ korgõ lõhmussõ.
Külh avast’ luudusõmiis Relve Hendrik aastal 2007 vanalt Tartomaalt Sangastõ mõisapargist vahtsõ kõgõvägevämbä lõhmussõ. Sis oll’ puu 37,5 m korgõ.
Seo nätäl mõõtsõ mõtsatiidläne Laas Eino-Endel Sangastõ lõhmussõ vahtsõst är ja and’ teedä, et puu om viil tsipakõsõ korgust mano visanu – vahtsõs Eesti korgusrekordis om lõhmussõl 37,7 m.
A teno Lastingu Piitre mõõtmisõlõ om teedä, et vana puu kasus viil kinäste korgustõ: Tsooru lõhmus om 20 aastaga kasunu 1,7 m. | | | | Tsooru pargin kasus 35,4 m korgõ lõhmus – korgusõlt Eesti tõnõ.
Nuka Kalle pilt |
|
|
|
