| Pääleht |
Uudissõ |
Märgotus |
Elo |
| Loe Uma Lehe pdf-i: | | | | | | | | Tahassi saia Uma Lehe pdf-i egä kõrd hindä meili pääle?
Andkõ teedä info@umaleht.ee pääle!
|
| |
|
|
| Kauksi kooli latsõ Uma Pido laulõ laulman.
Karpsoni Andrusõ pilt | | Lustlik uma kandi keelepäiv Ruusal | | Liiva Aasa
28. vahtsõaastakuu pääväl kutsõ Ruusa kuul küläliisi Vilustõ ja Kauksi koolist hindä poolõ uma kandi keelepääväle.
Vilustõ koolist saimi võro keele tsõõriga (1. klassiga) kipõlt Ruusalõ – 10 minodi tii, iks mõtsatagonõ naabrikuul, miä tuust, et vallapiir om vaihõl.
Päävä tõmbsimi käümä võrokiilse latsilauluplaadi «Upa-upa ubinakõnõ» päält peri lauluga «Lõvijaht»: latsõ peivä haniriah marssõh «lõvijahti».
Ruusa kooli oppaja Hüssoni Kaja ja Müürsepä Maarika olliva opanu 5. ja 7. klassilõ näütemängu «Illos päiv» ja «Poodi man». Lavakujondusõ, rõividõ ja asjoga oll’ pall’o vaiva nättü.
Kauksi kuul tõi küläkostis kandlõluu ja kats süämeheminevät latsikoorilaulu Uma Pido lauluvarast (juhend’ muusigaoppaja Prüki Jaanus).
Latsõ saiva är arvada ka võrokeelitsit mõistatuisi. Mõistatamist vidi iist Ruusa kooli 9. klassi poiss Karingu Arnold.
Vilustõst veimi naabritõlõ küläkostis Lattiku Jaani katõkõnnõ «Edimäne armastus» (Plaado Maritte Arianne ja Mendriku Mairo) ja opsimi kõigilõ tsõõrimängu «Maamiis».
Küllä oll’ kutsutu ka Ilvese Aapo, kes um miis nigu orkestri: kõnõlõs, laul, mäng kidrat ja tege tuud kõkkõ iks vahvalt ja nal’alidsõlt. |
|
|
|