| |  Pääleht |
| Uudissõ |
| Märgotus |
| Elo |
| | Loe Uma Lehe pdf-i: | | | | | | | | | | | | Tahassi saia Uma Lehe pdf-i egä kõrd hindä meili pääle?
Andkõ teedä info@umaleht.ee pääle!
|
| | |
|
|
| Tartese kandlõplaat | | | Eesti 2015. aasta rahvamuusikus valit Tartese Heino om suurõmbalt ette võtnu rahvakandlõ tutvastegemise.
Minevä aasta lõpun and’ Heino vällä plaadi «Helisev muusika», mille pääl tä esi rahvakannõld mäng. Viiuli ja duurkandlõga avitas Pruusi Signe. Plaadi pääl om 17 päämidselt rahva seest peri pilliluku.
«Rahvakannõl om tsipa unõhtusõn olnu ja kiäki piät iist võtma, et tuu pill jäl rahvalõ huvitav kullõlda olnu,» selet’ Tartese Heino.
Tä ütel’, et innembi oll’ rahvakannõl mi kandin peris populaarnõ, kõgõ kõvõmb mängjä oll’ Kasesalu Erni (1927-1994). «Ku Kasesalu naas’ mängmä, jäeti tüü kah poolõlõ ja minti kullõma – nigu ka Kikka Karla lõõdsamängu kotsilõ üteldi.»
Tartese Heino mäng vahtsõ rahvakandlõ pääl, mille om tennü pillimeistri Vuksi Alar.
Tartes oppas ka huviliidsi Põlvan kannõld mängmä. «Kandlõmäng miildüs inämb naisilõ – om sääne õrn ja lätt süämehe, rahvakannõl olõ-i laada pääl mängmise pill,» kõnõl’ Tartese Heino.
Harju Ülle | | | |
|
|
|
