| Pääleht |
Uudissõ |
Märgotus |
Elo |
| |
|
|
| Leevi helkäjämiis ja timä ehtjä.
Pilt: Aire Ilves-Luht | | Leevil sai tüüd helkäjämiis | | Liiva Aasa
Kõik tiidvä, et helkäjät um vaia pümmel aol kanda, a iks juhtus, et lätt meelest. Leevi küläh peeti 26. märdikuu pääväl kodanigupäivä ja latsõ ehtse är helkäjämehe.
Joba suvõl võisõ Leevi külä keskel nätä ummamuudu kujju, mis küläpäivä reklaamsõ. Kuju tõi Villändist Ugala tiatrist är külä näütetsõõr. Suvõst siiäni oll’ reklaamimiis ilma tüüldä, a nüüt sai sis helkäjämehe-tüü.
32 Leevi külä inemist panni kujo külge helkäjit ja ku hindäl kunagi piässi tuu kodo jäämä, sis või egäl aol helkäjämehe käest võtta.
Kodanigupääväl kanti ka tuu iist huult, et kuusõpuu jõuluaigu helgissi – Olle Aina ja Volkovi Eda opsi jouluehtit tegemä. Päävä kõrraldi paikligu abipolitseimehe Kukõ Urmas ja Luha Riho, Kukõ Karmen avit’ kah ja tugõjit oll’ viil hulga. |
|
|
|