| |  Pääleht |
| Uudissõ |
| Märgotus |
| Elo |
| | |
|
|
| Muusigapäiv Vanal Võromaal | | | Ülehummõn, 1. rehekuu pääväl peetäs Eestin muusigapäivä, ilma rahalda saa ka mitmõn Vana-Võromaa paigan kontsõrtõ kullõma minnä.
Antsla gümnaasiumin, Puiga põhikoolin ja Võro keskraamadukogon mängvä kolmõkõistõ kuun Kulbini Jan (trummi), Pennari Karl Madis (kitra) ja Tammearu Tobias (saksofon). Vana-Antsla tallimajan mängvä punt V.E.A., Antsla ja Tarvastu muusigakooli oppaja.
Võro muusigakoolin om kooli oppajidõ kontsõrt.
Lõõdsapääliinan Põlvan tulõva muusigapäävä tervitüskontsõrdi. Saksofonimiis Veski Villu mäng Mooste põhikoolin, Räpinäl ütisgümnaasiumin ja paprõvabrikun.
Mis kell kontsõrdi pääle nakkasõ, saa kaia www.muusikapaev.ee päält.
Õdagu saa kaia ETVst ja kullõlda Klassikaraadiost, kel- lele antas Eesti Kultuurkapitali helikunsti tsihtkapitali ja Eesti muusiga nõvvokogo aastapreemiä. Võrokõisist om preemiä saajis vällä pakutu koorijuhi Ritsingu Alo ja Uibopuu Vaike. Mõlõmba omma juhatanu kuurõ Umal Pidol. Ritsing om säädnü pido jaos ka võrokeelitsit laulõ. Timä säetü Kalla Urmasõ lugu «Võromaa laulu» võitsõ tulõvaastadsõ Uma Pido koorilaulusäädide võistlusõ.
UL |
|
|
|
