| |  Pääleht |
| Uudissõ |
| Märgotus |
| Elo |
| | |
|
|
| Loodsik Võhandu jõõ pääl.
Pilt om peri Vana-Võromaa Kultuurikua muusõumist | | | | Pühä jõgi Võhandu ai üle veere | | | 90 aastakka tagasi oll’ Võromaal väega vihmanõ süküs. Pühä jõgi Võhandu sai üllestpuult nii hulga vett mano, et täl es jakku uman sängün inämb ruumi.
Hariligu Võhandu jõõ asõmõl oll’ Võro liinast nikani ku Pindi sillani üts suur järv. Jõõviirse hainamaa olli kõik vii all.
Tuust innenägemäldä pildist kirot’ ka Wõru Teataja (24.09.1925). Lehen kirot’, et Kääpä külä all oll’ Võhandu eski suurõtii hindä ala matnu ja tuuga külä katõs jaganu. Ütest külä otsast tõistõ sai õnnõ loodsigu vai hobõsõga.
Et õkva oll’ pääle naanu kooliaig (kardok oll’ võetu), sis oll’ murõ, et tõsõlt puult suurtvett es saa latsõ kuuli tulla.
Võro vallavalitsus pallõl’ Võro mõtsavalitsusõ käest matõrjaali, et saasi üle vii purdõ ehitä. A mõtsaülembä-herrä pand’ tuud pall’os ja es anna. Vallavalitsus es jätä taad asja niisama ja kutsõ kokko komisjoni, kon olli ammõtnigu mõtsaringkunnast ja politseist.
Kuis lugu lõppi, tuust kah’os Wõru Teataja es kirota.
A Võhandu vii nõsõmisõga oll’ Kääpäl hätä ka ildampa.
Nii naatigi 1958. aastal vahtsõt silda ehitämä.
Tuu tegemise man tull’ maa seest vällä muistinõ asulakotus ja kuulsa tarvasarvõ, midä saa imehtellä Vana-Võromaa muusõumin.
Ruusmaa Arthur,
Vana-Võromaa muusõumidõ päävarahoitja | | | | Kääpä silla ehitämine 1958. aastal.
Pilt om peri Vana-Võromaa Kultuurikua muusõumist |
|
|
|
