Nummõr' 343
Süküskuu 15. päiv 2015
  • TOIMÕNDUS
  • UMA LEHE TELMINE
  • PÄÄHÄMÄÄRMINE (reklaam)
  • ARHIIV
  •  
    Pääleht
     
  • Ettevõtja saava huugu
  • Uudissõ
     
  • Ruitlanõ sai Kangro-preemiä
  •  
  • Karulan saa ehitämist oppi
  •  
  • Kõgõ suurõmb tsisnak kasvi kanasita pääl
  •  
  • Räpinäl kõnõldas ristipuiõst
  • Märgotus
     
  • Tsiht om ello jäiä
  •  
  • Inemiisil lätt Saagu Valgusõ keskusõ abikätt vaia
  •  
  • Kirä
  • Elo
     
  • Janti saa, ku sul om tsärre nimekaim
  • Juhtkiri
    Vana pilt kõnõlõs
    Ruitlase jutt
    Perämine külg
     
    Kõgõ suurõmb tsisnak kasvi kanasita pääl
     
    Eesti katsandalõ küüslaugufestivalilõ (15.08. Ülenurmõl) tõi festivali aoluu kõgõ suurõmba tsisnagu – läbimõõt 97 mm – Koorastõ miis, Kanepi gümnaasiumi oppaja Kiviranna Urmas.

    «Kanasita pääl kasvi, taad suurt sorti oll’ mul maan 110 miitret,» selet’ Urmas, kellel oll’ festivalil üten ka tõnõ jurak (96 mm).

    Urmas kõnõl’, et om tsisnakut kasvatanu viis aastakka. Taa suurõ sordi sai tä üte tõsõ oppaja käest: näkk’ perädü suuri mugulit kuioman ja nuias’ hindäle kah neli tükkü.

    Seo aasta saagist lupa miis poolõ tagasi maaha panda. «Kats kasti jätä kimmäle naasõlõ. Minevä aasta oll’ hädä, et hindäle es jakku,» muheli Urmas.

    Tsisnagu kotsilõ üteldäs Võromaal ka kibluk, kuruslauk vai juudisipul.

    Harju Ülle
     
    Kiviranna Urmassõ kats tsisnakut küüslaugufestivalil.
    Pilt eräkogost
       
    Ku kõva
    sannalinõ sa olõt?
    Kae perrä!
      
       
      
    „Tagamõtsa”
    ETV-n
      
       
    Uma Lehe välläandmist tugõva Vana Võromaa Kultuuriprogramm  
       
      
       
      
       
    Uma Internetin