| |  Pääleht |
| Uudissõ |
| Märgotus |
| Elo |
| | |
|
|
| | Harju Ülle,
päätoimõndaja | | | | |
| Juhtkiri: Kuuntüüd piät opma | | | MTÜ Loov Eesti nakkas ettevõttidõ takasttoukamisõga pääle mi kandist. Tuu näütäs, et Vanal Võromaal om nätä pall’o sändsit «idokõisi», millest võissi illos kasv tulla, ku kasumisõlõ õigõt väke mano anda.
Ettevõtmisõ nimi Loov Eesti + Maa külh tsipakõsõ essütäs: mi ettevõtja olõ-i hädän asjo vällämärkmise, a hoobis müümisega. No nigu vällä tulõ, käävä hää müümise oppus ja vällämaalõ jõudmisõ kunst Loova Eesti plaani sisse.
A kõgõ inämb tunnus mi ettevõtjil puudu ollõv tuust, et nä ei mõista häste kuuntüüd tetä. Et tuud mõistmist olõ-i küländ pall’o, sekä nii abiliisi tüülevõtmist, ütitselt kauba müümist ku ka uma äri vällämaalõ viimist.
Mi inemine om joba loomu poolõst sääne, et usk õnnõ esihinnäst ja jää-i tõisi pääle luutma. Elo om näüdänü kah, et ku pall’o kergehe kõikõ usut, sis varramba vai ildamba tõmbas kiäki sul naha üle kõrvu. No ummõhtõ piässi saama kuuntüüd tetä nuu ettevõtja, kiä tahtva umma hääd kraami müvvä, mitte ütstõist pükä. Ku sääne kuuntüü ütidsel jõul käümä saa, om tuust mi kandilõ suur abi. |
|
|
|
