| |  Pääleht |
| Uudissõ |
| Märgotus |
| Haridus |
| | |
|
|
| | Harju Ülle,
päätoimõndaja | | | | |
| Juhtkiri: Umavalitsusõ, pankõ pää tüüle! | | | Gümnaasiumiopilanõ ei lövvä Võro liinan elokotust, maakooli lähkül olõ-i oppajalõ eski «kolhoosimajan» elämist pakku, perre otsva aastit talokotust – sääne lugu om Võromaal parhilla.
Taha-i inämb kuulda hädäldämist, kuis külh inemise tulnu maalõ, ku olnu õnnõgi tüükotussit. Töötukassa kodolehe pääl rippu eelä Vanal Võromaal päält 60 tüüpakmisõ: kokast palkmaja ragojani, muusigaoppajast vallasekretärini. Aiandusettevõtõ ots tüüliisi – ussõ takan käävä õnnõ nuu, kiä piät töötukassalõ näütämä, et nä «tüüd otsva».
Tüüd om, a ellä kongi ei olõ. Saa-i jo tühä krundi pääle telki pistü panda ja naada tassakõistõ hindäle maia ehitämä. Kas naada «riigikortinit» ehitämä vai märki midägi muud vällä, tuuga om umavalitsuisil kipõ. Iks väega ull’ lugu, ku kuuli saa-i oppajat selle, et tälle olõ-i eski aotlist elämist pakku. |
|
|
|
