|
|
| Pakutrükiga kottõ tegemist opas’ käsitüümeistri Sepä Marika.
Veski Marise pilt | | | | Karilatsin opsõ kari latsi võro kiilt | | | Säinasti Ene
Põlva talorahvamuusõumin opsõva 8–10aastadsõ latsõ võro kiilt ja saiva inämb tiidä perimüskultuurist.
Hainakuu laagri edimädsen vaihtusõn oll’ 20 last Võro- ja Põlva maakunnast ja Tartost. Laagri kõrraldaja Roobi Reet ütel’, et tahtjit oll’ inämbki, tulõva suvõ tetäs vast kolm vaihtust.
Pall’o laagri tegemise olli köüdetü muusõumiga, näütüses ümbrekäügi ja maastigumäng huunit pite.
Tarõ pääle olli Tulviste Urmasõl tettü taloeläjä ja sai mängi talolatsi mängu. Opitarrin tetti pakutrükki, poimiti paila, opiti luudust tundma ja matõmaatigat võro keelen, kõnõldi Võromaa savvusannast. Õdaguti mängiti tulõ man tsõõrimängõ ja prooviti jõudu.
Kolm päivä oll’ täüs sakõt tegemist, järgmäne vaihtus tulõ Karilatsin 4.–6. põimukuu pääväl.
|
|
|
|
Pääleht
