| |  Pääleht |
| Uudissõ |
| Märgotus |
| Elo |
| | |
|
|
| | Harju Ülle,
päätoimõndaja | | | | |
| Juhtkiri: Katõ otsaga asi | | | Toeta Padari Ivari mõtõt, et, midä iks saa, võissi osta umakandi talonigõ käest. Liinainemine sõit kah suvõl maal ümbretsõõri ja ost hää meelega õkva talonigu käest värskit söögikraami.
No elo näütäs, et mõni talonik mõist ärri tetä, a mõni mõista-i. Äriloogika ütles, et ku vaihõlt jääs är mitu müügijakku (transport, müügipind, müüjä tunnitaso jne), sis võinu jo hind kah tsipa odavamp olla. A talonik müü uma värte man maas’kit: hind kallimb ku liinan turu pääl! Õdagus muidoki kõigist maas’kist valla ei saa ja piät peräjao esi moosis kiitmä. A turu pääle müümä vai kaupa viimä sõit egäüts esi uma massinaga, tuust olõ-i asja saanu, et talokraami ütidselt näütüses Tartohe taloturu pääle viiä.
Õnnõs om häid näütit kah: üts maas’kakasvataja kõnõl’, et timä käest ost’ maas’kit terve suguselts: 400 killo kõrraga, esi jaotiva lakja. No sääne võissigi talonigu ja ostja hää kuuntüü olla. |
|
|
|
