Nummõr' 333
Mahlakuu 28. päiv 2015
  • TOIMÕNDUS
  • UMA LEHE TELMINE
  • PÄÄHÄMÄÄRMINE (reklaam)
  • ARHIIV
  •  
    Pääleht
     
  • Park vai kiviplats?
  • Uudissõ
     
  • Rekord-võistlus Adsoni Arturi avvus
  •  
  • Kirändüsfestivaal jõud Põlvahe
  •  
  • Karulan saa suursärki tetä
  •  
  • Väkev koorikontsert
  • Märgotus
     
  • Inemises saaminõ
  •  
  • Magusajant
  •  
  • Kiri
  • Elo
     
  • Vanatehniga aetas vällä pääle pikset
  •  
  • Pupimeistri Värtoni Aino käe ei püsü paigal
  • Juhtkiri
    Vana pilt kõnõlõs
    Ruitlase jutt
    Perämine külg
     
     
    Ruitlasõ Olavi,
    naturaalnõ majandaja
     
      
    Vorst vorsti vasta
     
    Reformieräkund om aastit võlssnu, et Eestin om hää ärikliima.

    Hää om ärikliima olnu õnnõ pankulõ, kiä saava siist tulumassuvabalt inemiisi rahha vällä vitä.

    Hää ärikliima om olnu mõnõ ütsigu tüütegijäga idufirmalõ, määndside pannus riigi rahaplaani om väiku, ja suurõmbilõ kinnisvaraarõndajilõ. Kõigilõ persetäjile, kes ei luu vahtsit väärtüisi, om olnu tan hää persetä.

    Tõisi, inämbüsen väikeisi ettevõtjidõ ja näide kaudu su ja mu, ehk tüütegijä jaos om ärikliima nigu kruvv persen, midä aasta-aastalt kõrrast sügävämpä käändäs. Säältkaudu om luudu ummakõrda hää ärikliima kohtukubijilõ ja inkassofirmadõlõ.

    Esiki puulpuudulinõ saa arvo, et rohkõmb tulõ massu ala panda ettevõttõ tullu ku tüüjõudu. Sotsmass om 33% ja midä inemine tuu iist saa?

    Haigõs jäät, sõs kats kuud tohtrijärekõrda. Inemise omma haigõ, tohtriil om ülearvo pall’o tüüd, samal aol ku massuliidsi aigõ om nii pall’o ku kulus.

    Ärikliima või hää olla, a tüütegemise kliimat tulõgi Soomõst vai kavvõmbast otsi. Ja valitsusõ jutt sotsmassu üteprotsõndilidsõst allalaskmisõst om hülgemölä. Pankõ tuu protsõnt hindäle persehe tagasi ja pankõ luuk perse pääle tagasi. Et esi sisse es sadanu.

    Tüüandja mass mu palgast 20% tulumassu, 33% sotsmassu. Ma olõ ku kivi täl kaalan. Ma saa sõs palgapääväl uma veidemb ku 60% kätte, tuust massa kütüsse-, tubagu- ja elektriaktsiisi.

    Ettevõttõl ei tulõ ilmangi tullu, ku tä tüüjõudu pitä ei jõvva. Ettevõtja omma sundsaisun. Et ello jäiä, tulõ võlssi, tšekkega rahha vällä kanda, osta olõmalda põhivahendiid...

    Terve ettevõtja elo lätt säändse sita pääle, et hinnäst vii pääl hoita.

    Mida tetä? Ma soovida korruptsiuuni ehk kuuntüüd. Käest kätte kaubategemist. Vorst vorsti vasta. Mobiili tougakõ kauba tegemise aos vällä.
     
    Ku kõva
    sannalinõ sa olõt?
    Kae perrä!
     
    „Tagamõtsa”
    ETV-n
     
    Uma Lehe välläandmist tugõva Vana Võromaa Kultuuriprogramm
     
     
     
    Uma Internetin