|
|
| | | | | | Puul\'päävä, 28. lehekuu pääväl kell 9.30 tetäs Võrol valla joba kolmas keriguplatsi laat, timahavagi saa osta umakandi kaupa, nätä rahvatandsu, kullõlda võro ja seto laulu.
«Egäüte jaos om tan midägi,» lupa laadu üts' pääkõrraldaja Kängsepä Raja käsitüü-ütistüst «Esi». Tä ütles, et laadu pääl müvväs Võromaal tettüt kraami, kasvõ, eläjit ja muud. Müümä omma oodõdu kõik' kauplõja, vällä arvadu vällämaa pulstõ ja nänni pakja. Nigu iks, kõrraldas «Esi» ka õnnõluusi.
«Edimäne aasta sai 1900. aasta stiil' vällä hõigatus, et olõs kergemb är | | Kängsepä Raja laada maskotiga. | | üteldä toolõ pulstikaubandusõlõ,» seletäs Kängsepä Raja. «Nüüd om laat võro meelen ja keelen edesi |
lännü, seos laadus om mõtõ tävvenenü – avvu sisse nõsta võro elostiili ja kultuuri.»
Seokõrd tulõva Võro setodõ koori Helmekaala naasõ laulma ja näütäse ka vana-ao töid nigu katõ tõlvaga mõsumõskminõ, viha köütmine jne. Üles astva Viire, Tsõõr, Kannel ja Mini-Hebe, mäng' Kandlõ kapell'. Lõuna-aigu tege hellü ja näütäs umma raamatut vahtsõnõ võro kirämiihi punt' Viie Pääle.
Plaanin om ka üts' ummamuudu ettevõtminõ. Võro maahamüümise oksjon'. «Toda ei saa täpsembält kõnõlda, toda piät esi kaema tulõma!» muheles Kängsepä Raja. Tä ütles õnnõ tuud, et oksjoni vasarahoitjas om Võro abiliinapää Pauri Toomas.
| | |
|
|
| | Kae, miä ütel´!
Mis tsiga otsast är võtt, tuud ei panõ inämb kuningas otsa!
Ritari Tiiu pand Rõugõ vanasõnaga paika ristipuiõ ragomisõ Rosmal.
| |
| | |
|
|
