| Pääleht |
Uudissõ |
Märgotus |
Elo |
| |
|
|
Vana Võromaa kultuuriprogramm tugõ umakultuuri | | Rahvakultuuri keskusõ Vana Võromaa kultuuriprogramm jagi võrokõisi umakultuuri ettevõtmiisi jaos päält 133 000 euro.
Programmist saava tukõ suurõmba umakultuuripido: Moisekatsi Elohelü, lõõtspillifestivaal Harmoonika, Võro folkloorifestivaal, Võro-Seto näütemängupäiv, Uma Pido (ettevalmistaminõ).
Programmi toega tetäs perimüsmuusiga kontsõrtõ Teppo lõõdsatalon ja koolõn.
Rahha anti perimüskultuuri suvõkuulõ ja laagridõ kõrraldamisõs: Kaika suvõülikuul Räpinäl, Harglõ-Karula kihlkunna latsi suvõkuul, Võromaa rahvapillilaagri, latsi võro keele laagri Põlva talorahvamuusõumin, Kanepi kihlkunna 340. aastapäävä perimüspäiv.
Toetusraha abiga antas vällä latsiraamatit: koolilatsi kirätöie kogomik «Mino Võromaa», Ojari Triinu «Vana katskinõ kass», aokirä Täheke võrokiilne nummõr ja võrokeelidse piltsõnastu 2. osa. Toeti ka latsilauluplaadi «Upa-upa» ja Kikka Karla lõõdsaplaadi tegemist.
Programmi toega tetäs võrokeelitsit lavastuisi: Ruusal tulõ suvõlavastus «Lahvka», Teppo lõõtsatalon «Simmanilugu» ja Lasval kolhoositeemäline näütemäng.
Rahha anti ka ETV «Tagamõtsa» nellä vahtsõ jao kirotamisõs.
Programmi toega läävä edesi võro keele oppaminõ latsiaia- ja koolilatsilõ, Uma Lehe välläandminõ, Tarto Ülikooli Lõuna-Eesti keele- ja kultuuriuuringidõ keskusõ ja savvusanna-tegemise ja viil mitmõ ettevõtmisõ.
UL |
|
|
|