| Pääleht |
Uudissõ |
Märgotus |
Elo |
| |
|
|
| Savikunst tege latsõ rõõmsas.
Pilt eräkogost | | Pikäkannu latsõ tükvä huvikuuli | | Harju Ülle
Pikäkannu huvikuul om saanu paari aastaga sisse sändse huu, et tuu kandi latsil ikäv joht ei nakka.
Huvikuul sai mano tsihiotsmismängu (orienteerumine) ja savikunstitsõõri üten keraamigaahoga. Pikäkannu huviharidusõ iistvõtja Tamra Ave ütel’, et ahi tüütäs egä nätäl: «Savikunsti oppus om suurilõ kah ja mõnikõrd ei mahu kõik as’akõsõ ahjo ärki.»
Muusigahuvilidsõ saiva kitarre, parmupille, eelektriklavõri ja võimõndusõ.
Latsilõ tull’ kasus mäesuusatamisõ oppus: «Päält nellä kõrda Kuutsõmäel ja kõrda Kütioron saiva mi latsõ taa asa selges,» hinnas’ Tamra Ave. «Elämi suusamäki lähkül, a inämbüs Võromaa latsist olõ-i saanu mäesuusatamist pruuvi. Umavalitsuisiliit ujomist tugõ, võisi kaalu ka mäesuusatamisõ tugõmist.»
Viil saiva latsõ kävvü Hiiumaad kaeman.
Pikäkannu huvikuul läts’ käümä Kodaniguütiskunna tsihtkapitali (KÜSK) abiga. Huvikuuli om tugõnu Lasva, Orava ja Võro vald ni Eesti-Šveitsi kuuntüüprogrammi vabaühenduste fond.
Huvikuuli omma oodõdu ka tõsõ huvilidsõ, kiä saava sinnä sõita. |
|
|
|