|
|
| | | | | Tuhalaotaja vajju kõtuni mua sisse. |
Suurõ kuivaga alustanu kevväi käänd' vaihhõpääl vihmatsõs. Minevä tõsõpäävä jäi Sabõrnan tuhalaotaja turbamaa pääl kõvastõ sisse.
«Laotaja üts' tsõõr' sattõ nigu mulku,» ütel' AS Põlva Maaparandus dispetser' Tobiase Lembitu. «Kolmapäävä tõimi Põlvast laja lindiga jossi, kaibsõmi sääl man hulga aigu ja lõpus tõmmas' joss' vaivu-vaivu kiirovetsi vällä. Tuu oll' vas't oopõr, mis ti sõs pilti tegemä es tulõ?» Tä ütel', et taa oll' seo keväjä edimäne suurõmb sissejäämine. Lubja laotaminõ om joba lõpõtõt, klinkritolmuga lätt paar' nädälit aigu.
Saarõ Evari pilt ja jutt
| | |
|
|
| | Kae, miä ütel´!
Mis tsiga otsast är võtt, tuud ei panõ inämb kuningas otsa!
Ritari Tiiu pand Rõugõ vanasõnaga paika ristipuiõ ragomisõ Rosmal.
| |
| | |
|
|
