| |  Pääleht |
| Uudissõ |
| Märgotus |
| Elo |
| | |
|
|
| | Harju Ülle,
päätoimõndaja | | | | |
| Juhtkiri: Julgõ soe rõnd om rasvanõ | | | Seon lehen om juttu katõst Orava kandi ettevõtjast, kiä omma mõlõmba saanu kõvas tegijäs õnnõ mõnõ aastaga.
Edimäne nipp om mõlõmbal lihtsä – uma nišš. Rätsepä Aarel ja Järvepera Tiinal om tuu paki sisse pantu puhas mahl ja glögi, Tootsi Markol jäl tüüstüslik kanõp.
A tuust õnnõ ei avida, ku sa hääd asja tiit. Müvvä piät kah mõistma. Võro instituut uurõ, kuis lätt väikukõisil ettevõttil, miä pruukva tuutmisõ man Vana Võromaa kultuuriperändit, luudusväärtüisi ja mi kandin kasunut söögikraami.
Tull’ vällä, et kõgõ suurõmb murõ omgi müümine. Poolõ ettevõtja möövä kõgõ parõmba meelega umma kraami kotost vai internetist. Umma kraami kitvä ja tuu müümist kõrraldasõ vähätse, kukki kõik tiidvä, et turu nõudminõ om suurõmb ku pakminõ. A nigu ütles Rätsepä Aare, julgõ päähämäärmine omgi tuu, millega peräkõrd suurõlt võidat. |
|
|
|
