| |  Pääleht |
| Uudissõ |
| Jutuvõistlus |
| Elo |
| | |
|
|
| | Harju Ülle,
päätoimõndaja | | | | |
| Juhtkiri: Jutuvõistlus nigu jõuluvana kingikott | | | Uma Lehe jutuvõistlus om nigu jõuluvana kingikott – kõgõ oodat põnõvusõga, mändsit juttõ seokõrd lukõ saat.
Seost kõrrast jäi kummitama üts lausõ ütest jutust: pöörädse luu as’aosalinõ kiildse taast juhtumisõst kõnõlõmisõ 50 aastas är. Õkva nigu riigisalahusõga tetäs!
Jutu autor kand’ seod luku hindäga üten kõik nuu 50 aastakka. No om aig täüs saanu ja tä pand’ jutu kirja. Õnn, et tälle anti tervüst ja elopäivi tuu aig är uuta. A jutt om hää ja pia saati tuud Umast Lehest lukõ.
Hää jutt om pall’o väärt. Ku ti elon om midägi esierälist juhtunu, pankõ kimmähe lugu kirja. Eski ku kõrraga taha-i tuud võistlusõlõ saata, hoitkõ jutt aoluu jaos alalõ. Ja ku tulõ õigõ aig, sis võiti iks är kah saata. |
|
|
|
