| |  Pääleht |
| Uudissõ |
| Märgotus |
| Elo |
| | |
|
|
| Haljendi Piret pand’ latsitarõ ussõ pääle võrokiilse sildi.
Leimanni Eve pilt | | | | Latsitarõ uut latsi | | | Leimanni Eve
Saagu Valgus Võromaa häätegemiskeskusõ ussõ Võrol polikliinigu maja kolmanda kõrra pääl omma jo tõist nädälit vallalõ. Latsitarõn saava latsõ päält kuuli aigu parras tetä ja koolitükke tegemisel api küssü.
Häätegemiskeskusõ juht Haljendi Piret ütles, et tälle nakas’ päält Uma Lehe artiklit «latsitarõ» sõna niivõrra miildüma, et säädsegi sändse võrokiilse sildi sinnä tarrõ juhatama.
Silt esi näütäs kah keskusõ mõtõt opada nägema tõistmuudu lahenduisi ja är tarvitama olõmanolõvit asju. Sildi põhi om peri keskusõlõ antust vanast lemmikeläjä-aokiräst.
Häätegemiskeskus om vallalõ tüüpäivilde kell 12–18. Õgaüts, kellel om häid mõttit, või noid vällä pakku vai esi appi tulla.
Keskusõ häätegemispuut sama maja edimädse kõrra pääl saa kah iks inämp huugu sisse. |
|
|
|
