Nummõr' 316
Põimukuu 26. päiv 2014
  • TOIMÕNDUS
  • UMA LEHE TELMINE
  • PÄÄHÄMÄÄRMINE (reklaam)
  • ARHIIV
  •  
    Pääleht
     
  • Kikka-pido Valgjärvel
  • Uudissõ
     
  • Tulviste Hele sai luuduskaitsõ seldsi auliikmõs
  •  
  • Hõpõnõgla-näütüs Võrol
  •  
  • Ehitüse opitüü kingiti Kauksi latsiaialõ
  •  
  • Lindmetsa Harri näüdäs’ kodukandi rahvalõ plaati
  •  
  • Võromaa laulu presidendi man
  • Märgotus
     
  • Viska är vai hoia alalõ?
  •  
  • Ärke ajagõ süküst musta kotti!
  •  
  • Midä kõnõlõs ütsik vana uibu viläpõllu pääl
  •  
  • Kirä
  • Elo
     
  • Piksepauk Pühäjõõ veeren
  •  
  • Häätegemiskeskus sai huu sisse poodist
  •  
  • Teküs luudusõhoitja sai mälehtüspingi
  • Juhtkiri
    Vana pilt kõnõlõs
    Ruitlase jutt
    Perämine külg
     
    Huvilidsõ har’otasõ var’oalotsõlõ lastukatussõ lüümist.
    Pilt eräkogost
     
    Ehitüse opitüü kingiti Kauksi latsiaialõ
     
    Harju Ülle

    MTÜ HääOm vanaperädse ehitüskunsti oppusõl tett var’oalonõ läts’ kingis Kauksi latsiaialõ.

    «Tahtsõmi üten oppusõga tetä ka üte hää teo,» kõnõl’ Kägo Martti MTÜst HääOm. Tä kuulsõ latsiaia soovist saia sääne var’oalonõ, kon all saasi latsõ vihmadsõ ilmaga mängi. Õkva tull’gi plaan, kuis tuu katõ oppusõga är tettüs saasi.

    Hainakuul opati Moosten vahtvärk-konstruktsiooni tegemist, tuuga sai var’oalonõ uma kujo. 15.–17. põimukuu pääväl opati sääl lastukatussõ lüümist ja lüüdi var’oalotsõlõ katus kah pääle.

    Kägo Martti ütel’, et ehitämise man pruugiti metalli õnnõ lastunaklu jago. Kõik muu tetti puutappõga. «Nii teimi ka sariga ja «hobõsõkaala»-ilostusõ,» selet’ tä.

    Vanaperäst ehitüskunsti opsõ katõl oppusõl kokko 22 inemist. Inämbüse huvi om edespite uman koton niimuudu ehitämä naada. Oppuisi tugi PRIA Leader.

    Kägo Martti ütel’, et MTÜ HääOm taht tetä viil sändsit vanaperädse ehitüskunsti oppuisi, mille seen valmis saanu huunõkõnõ kingitäs är. «Ku om hää mõtõ vällä pakku, midä ja kellele kinki, andkõ teedä,» kuts tä.

    Niisama uut tä teedüst ehitüskunsti opmisõ huviliidsi käest – HääOm tege järgmädses tuu oppusõ, midä kõgõ inämb tahetas.
     
    Valmis saanu var’oalonõ Kauksi latsiaian.
    Pilt eräkogost
     
    Uma Lehe
    300. numbri nupumäng
     
    „Tagamõtsa”
    ETV-n
     
    Uma Lehe välläandmist tugõva Vana Võromaa Kultuuriprogramm
     
     
     
    Uma Internetin