| |  Pääleht |
| Uudissõ |
| Märgotus |
| Elo |
| | |
|
|
| Perämäne rehepapi päiv | | | Puulpäävä, 2. põimukuu pääväl tulõ Kanepi kihlkunnan Jõgara külän Mesipuu talon kümnes perrepäiv «Rehepapi säidse ammõtit».
«Kes ei olõ inne käünü, sis om perämäne võimalus kaema tulla,» kuts rehepapi päävä kõrraldaja, Mesipuu talo pernaanõ Krukovi Maie. Tä ütel’, et kõrraldas taad päivä perämäst kõrda.
Timahava kõnõldas perrepääväl kõgõ inämb hobõsist. Näüdätäs Tori hobõst, hobõsõga tetäs haina, saa poniga sõita, oppi hobõsõ huuldamist ja ratsastamist.
Rehepapi muu tegemise omma kah plaanin: poimitas korvõ, lüvväs katussõlastõ, aetas tõrva ja näüdätäs mesinigutöid.
Mekki saa maa seen küdsetüt lammast ja tõisigi talosüüke.
Saa nätä Kanepi harrastustiatri tükkü ja õdagu tulõ simman kah. Latsõ saava lusti mänguplatsi pääl.
UL |
|
|
|
