 Pääleht |
| Uudissõ |
| Märgotus |
| Elo |
| | |
|
|
| Koduvere Jolan Henriette.
Harju Ülle pilt | | | | Koduvere Jolan Henriette: hääst mõttõst saa hää kirätüü | | | Võro Kreutzwaldi gümnaasiumi 9. b klassi opilanõ Koduvere Jolan Henriette (16) võitsõ «Mino Võromaa» võistlusõ vanõmban koolijaon luulõtusõga «Mis vai kos om väärt maa?». Muusiga- ja luudusõhuvilinõ tütärlats sai avvohinnas kävvü külän Brüsselin europarlamendi ello kaeman.
Millest võidutüü oll’?
Kiroti inemiisist, kiä omma kas är lännü tõsõlõ maalõ, näütüses Suumõ tüüle, vai tulnu siiä muialt. Pandsõ luulõtusõ sisse presidendi ja Padari Ivari kah. Imä ja oppaja Linnamäe Helena aviti luulõtust häste võro kiilde säädi.
Kas tunnus, et mi kodokandist lätt pall’o inemiisi är?
Seo om teema, millest tull’ kõrraga pall’o mõttit. Hindäl om pall’o tutvit, kes omma är lännü. Kurb om, ku är läävä, a ku tagasi tulõva, sis mõtlõt, et või iks är kävvü külh.
Sait preemiäs kävvü Brüsselin europarlamendin külän. Mis tunnõ säält jäi?
Väega võimsa. Samal aol oll’ Ameeriga president Obama kah sääl ja turvavärk oll’ väega karm. Näütüses kuningalossi mano kaema es saaki. Europarlamendi tüüst kuulsõ, sääl tetäs iks tähtsät tüüd.
Ku sa olõs saanu joba europarlamendi saadikut valli, kelle olõssi valinu?
No iks Padari. Vai sis kedägi tõist sotsiaaldemokraatõst. Padar om torõ miis. Saimi ildaaigu Võro turu pääl kokko, aimi juttu.
Küsse Harju Ülle
|
|
|
|
