| |  Pääleht |
| Uudissõ |
| Märgotus |
| Elo |
| | |
|
|
| Vahtsõt koolilatsilõ | | | Konkursi jaos pand’ katõsa autorit kokko 26 võrokiilset tüülehte koolilatsilõ.
Tüüleht om koolioppaja kokko pant punt ülesandit, midä opilanõ lahendas.
Edimädse kooliastmõ kõgõ parõmbas sai Parksepä kooli oppaja Käre Ene tüüleht «Pätü».
Seo vannusõastmõ eräpreemiä ristsõnno iist sai Vilustõ põhikooli oppaja Liiva Aasa. Tõsõ kooliastmõ kõgõ parõmbas tunnistõdi Põlva ütisgümnaasiumi oppaja Rebäse Hedvi tüülehe «Läämi mõtsa: mino puu». Võro keele ja luudusõ hää põimmisõ iist sai Hedvi eräavvohinna.
Seo astmõ üte eräpreemiä sai luudus- ja kodoluutundliidsi tüülehti iist Osola põhikooli oppaja Kübärä Merili. Tä sai kittä ka tüülehe «Mõtsakultuur» iist.
Elolidsõ idee iist sai seo astmõ tõsõ eräpreemiä Mamastõ latsiaia-kooli oppaja Lepassoni Marju. Tälle pand’ eräpreemiä vällä Kubija hotell.
Kolmanda kooliastmõ kõgõ parõmbas kuuluti hindaja Haani kooli oppaja Leidi Kersti tüülehe «Haanimaa ja Suur Munamägi». Kittä sai ka timä «Juhan Jaik ja kaarnakivi».
Gümnaasiumijao kõgõ parõmbas sai Osola põhikooli oppaja Mürgü Merlini «Viie pääle» tüülehti sats.
Tüülehti kaiva üle Fastrõ Mariko (Võro instituut), Säinasti Ene (Orava põhikuul) ja Vardja Kaider (Misso kuul).
Avvohindu jaos and’ rahha Vana Võromaa kultuuriprogramm.
UL |
|
|
|
