Nummõr' 75
Jürikuu 26. päiv 2005
  • TOIMÕNDUS
  • OTSI
  • UMA LEHE TEL´MINE
  • ARHIIV
  • PÄÄHÄMÄÄRMINE (reklaam)
  •  
     
    Pääleht
    Uudissõ
     
  • Märke om rassõ saia
  •  
  • Saatõ rändäse Parmu nukast Koiva viirde
  •  
  • Vanast Võromaast võrokõisi jutu perrä
  •  
  • Suvõülikuul' Vana-Koiolan
  •  
  • Põlvan tulõ tandsupido
  • Elo
     
  • Kadajatolm om tervüses
  •  
  • Tal'na Võro selts' uut nuuri
  •  
  • Jüvä um alalõ
  • Märgotus
     
  • Võro vurdsust
  •  
  • Palo Kalev: sport' om kõgõ parõmb kasvatus!
  • Kirä
    Kagahiiq
    Aholämmi
    Perämäne külg
     
     
     
     
    Saatõ rändäse Parmu nukast Koiva viirde
     
     
    29. mahlakuu pääväl kell 19.30 nakkas ETVn juuskma vahtsõnõ saatõsari «Piiri pääl», miä uma viie jaoga pajatas elost Eesti-Läti piiri veeren.

    «Piiri pääl» kõnõlõs tuust, et piiriviirsiile inemiisile omma triibulidsõ piiritulba inämp tülüs ku abis. Piirimehe ekäütte üle Läti piiri ei lasõki, a inemine iks taht minnä. Tuuperäst juhtusõ piiri veeren egäsugudsõ ands'agu as'a.

    «Piiri pääl» nakkas pääle Parmu nukast, kon kolm riiki Vinnemaa, Lätimaa ja Eesti otsapiten kokko saava. Tan paigan olõ-i korstnidõga tarri, ei määnestki küllä. Ütsindä illos Pedetsi jõgi tsolisõs sääl vaikusõn ja Jumala rahon.

    Saatõ toimõndaja Püttsepä Juhani sõnno perrä logisti saatõtegijä Parmult Miss'o poolõ, kaema, kuis üts' pini Muki vanna traktorit valvas. Miss'ost põrotiva Kilomannilõ, säält Paganamaalõ kaema, kuis eläse pagana. Ja nii edesi, kooni rännäk Koiva niitõ pääl otsa saa.

    Inämbjago juttu saatõn om võro keelen. Esindedü omma mehka kiil', võro kiil' Vana-Laitsna ja Koivaliina muudu ja viil üts'jago Lõuna-Eesti keelepruukõ.

    Saatõ omma tennü Laiapea Vahur, Spitsonoki Aivo, Vilu Arvo ja Püttsepa Juhani.
    Diktoriteksti om läänevõro kiilde sääd'nü Kõivupuu Marju, tekste lugõ Vanõmuisõ näütlejä Eelmäe Lembit, kiä esi om külh Holdre mulk', a võro kiilt kõnõlõs iks rõõmsahe.

    Pilt' om üles võet 2004. aasta keväjä. Telemehe ütlese suurõ aituma Hanimäe Helmutilõ Põldõlt, kiä näile viis' kõrda üümaia andsõ ja uma sanna õigõ lämmäs kütse.

    Saatõtegijä tennäse kõiki Võromaa inemiisi, kiä telemiihi üten aparaatõga uma muru pääle, tarrõ ja lauta kutsi.

    UL
     
     
    Mis sa arvat?
     
    Ilm
    Uma Internetin
     
     Kae, miä ütel´!


    Täämbä viil saa vannu inemiisi käest kiilt ja kultuuri ammuta, hummõn' või olla joba ilda.

    Saatõ «Piiri pääl» tegijä soovitasõ ummi vanavanõmbidõga inämb juttu aia (ETV)


     
       
     Uma Lehe sõbõr!