 Pääleht |
| Uudissõ |
| Märgotus |
| Elo |
| | |
|
|
| Kääpä kooli «Kohus tulõ»: kohtu all om kägo, kiä tsibihäniläse pessä munõsi ja kelle poig kasuvanõmba läbi pesse.
Harju Ülle pilt | | | | Lustlik näütemängupäiv Puigal | | | Harju Ülle
Nätäl tagasi peetüle Puiga võrokiilside näütemängõ pääväle tahtsõ tulla nii hulga latsiaialatsi, et timahava tetti näide jaos eräle võistlus Puiga latsiaian.
Puiga näütemängupääväle tull’ kuus latsiaiarühmä: Põlva Mesimummi, Sõmmõrpalo, Kuldri ja Puiga latsiaiast, kats Võro Sõlekese latsiaiast. Egä tükk oll’ hindamiskogo meelest ummamuudu vahva.
Koolilatsi näütemängõ oll’ timahava 12 tükkü. Püüne pääl astsõ üles Vahtsõliina gümnaasiumi, Pikäkannu, Kääpä, Tilsi, Vilustõ, Osola, Mõnistõ ja Puiga kooli latsõ.
Kõgõ laapsamba ülesastmisõ ja kõgõ parõmba võro keele mõistmisõ iist sai kittä Pikäkannu kooli näütetrupp tükü «Ull’ Jaak» iist. Inglüse muinasjutu oll’ pandnu võro kiilde latsi juhendaja Kronbergi Kadi, mänge 1.–6. klassi latsõ.
Hää mängmise iist saivakittä Krevaldi Jos-Kristian Osola kooli tüküst «Sibula ja šokolaat» (Kivirähä Andrussõ jutu perrä säädnü Mürgü Merlin), Vaarendi Kristjan Kääpä kooli tüküst «Esä» (Lattikõ Jaani jutu perrä säädnü Kähri Jana), Ossipova Liisbeth Kääpä kooli tüküst «Kohus tulõ» (Rannapi Jaani perrä säädnü Kähri Jana) ja Vendelini Avelin Puiga kooli tüküst «Koolitsura murrõkõnõ» (Kadaka Helju teksti võro kiilde pandnu Ruuli Helve, püüne pääle säädnü Ossi Silja).
Eräpreemiä saiva Vahtsõliina gümnaasiumi edimädse klassi latsõ, kohtumiist mängnü Vana Laur Kääpä koolist ja geograafiaoppajas olnu Langusõ Tarvi Mõnistõ koolist.
Koolilatsi võrokiilse näütemängu kõnõli kõgõ inämb koolielo rõõmõst, murrist ja viguriist, a oll’ ka tükke tsirgõst ja eläjist, nal’aluukõisi. Näütemängus oll’ tettü ka laul «Tiganiku puut».
Puigal peeti võrokiilside näütemängõ päivä joba 14. kõrda. | | |
| | | | | | Kuldri latsiaia näütemäng «Pääväle küllä».
Harju Ülle pilt | | Osola kooli tükün «Sibula ja šokolaat» mängnü Krevaldi Jos-Kristian (hääd kätt) sai hää mängmise iist preemiä.
Harju Ülle pilt | | Vendelini Avelin Puiga koolist sai häste vällä tulnu Pipi rolli iist preemiä.
Harju Ülle pilt | | | | | | | | |
| | | | | | Ull’ Jaak (Leonovi Kristjan) vidä kassi (Tamra Mia) Pikäkannu kooli tükün.
Harju Ülle pilt | | Sõlekese latsiaia «Põdrasamblatii»: põdraesä (Janno Karl-Markus) and põdraimäle (Antoni Heleene) apteegist ostõtu põdrasamblõ haigõ pojakõsõ jaos tsäi kiitmises.
Harju Ülle pilt | | Ossipova Liisbeth.
Harju Ülle pilt | | | | | | | | | | | | | | | Kääpä «Esä»: esä rolli iist sai preemiä Vaarendi Kristjan (kural).
Harju Ülle pilt | | | | | |
|
|
|
![](javascript:var newWin=window.open("naita_pilti.php?pilt=img/3536.jpg&h=500&w=750","","toolbar=no,location=no,directories=no,status=no,menubars=no,scrollbars=no,resizable=no,width=750,height=500"))
![](javascript:var newWin=window.open("naita_pilti.php?pilt=img/3537.jpg&h=500&w=750","","toolbar=no,location=no,directories=no,status=no,menubars=no,scrollbars=no,resizable=no,width=750,height=500"))
![](javascript:var newWin=window.open("naita_pilti.php?pilt=img/3538.jpg&h=500&w=750","","toolbar=no,location=no,directories=no,status=no,menubars=no,scrollbars=no,resizable=no,width=750,height=500"))
![](javascript:var newWin=window.open("naita_pilti.php?pilt=img/3534.jpg&h=750&w=500","","toolbar=no,location=no,directories=no,status=no,menubars=no,scrollbars=no,resizable=no,width=500,height=750"))
![](javascript:var newWin=window.open("naita_pilti.php?pilt=img/3535.jpg&h=750&w=500","","toolbar=no,location=no,directories=no,status=no,menubars=no,scrollbars=no,resizable=no,width=500,height=750"))
![](javascript:var newWin=window.open("naita_pilti.php?pilt=img/3533.jpg&h=750&w=500","","toolbar=no,location=no,directories=no,status=no,menubars=no,scrollbars=no,resizable=no,width=500,height=750"))
![](javascript:var newWin=window.open("naita_pilti.php?pilt=img/3542.jpg&h=881&w=500","","toolbar=no,location=no,directories=no,status=no,menubars=no,scrollbars=no,resizable=no,width=500,height=881"))
