| |  Pääleht |
| Uudissõ |
| Uma Lehe jutuvõistlus 2013 |
| Elo |
| | |
|
|
| | Räpinä põllumiihi seldsi maja oll´Räpinä kihlkunna seldsielo keskusõs 1980. aastani, nikani ku maja maaha palli.
Pilt Räpinä koduluu- ja aiandusmuusõumi kogost | | | | |
| Räpinä seldsimaja 100. tähtpäiv | | |
1913. aasta tõsõl joulupühäl valla tettüst Räpinä põllumiihi seldsi majast sai Räpinä kihlkunna seldsielo keskus pia 70 aastas.
Seldsimaja oll’ päält kerikidõ kihkunnah kõgõ suurõmb ja kallimb ehitüs.
Huunõ vallategemise kõnnõ pidi tuudaigu Räpinä kogodusõ priistres olnu Pätsi Nikolai, opõtaja Schulze Oskar ja põllumiihi puult Niggolsi Julius.
Näütetsõõr mänge nal’atükkü «Uskmalda Toomas» ja priistreprovva kinkse seltsile lauluesä Kreutzwaldi pildi ja sainasalmi.
Vahtsõh majah läts’ kõrraga vallalõ kõva seldsielo: rõivalõikamisõ ja tsehkendämise oppus, Räpinä haridusselts tekk’ vallalõ muusiga-, kirändüse- ja näütemänguosakunna.
Muusigaosakunnan olli segäkuur, orkestri ja pia ka kiilpille kvartett, millest sai sümfooniaorkestri Toivi Eiki juhtmisõl.
Haridusselts kõrrald’ välläsõitõ, oppuisi ja häätegevit pitõ. Seldsi iistvõtmisõl ja toetusõl luudi 1917. aastagal Räpinä reaalgümnaasium.
Päält seldsielo om majah olnu ka pank, raamadukogo, kino ja tsäronik.
Räpinä seldsimaja kurb lõpp tull’ 1980. aastaga tuulitsõl rehekuu üül, ku suursugunõ puumaja tulõh häädü.
Räpinä kodoluu- ja aiandusmuusõum | | |
|
|
| | | | | | NB! Järgmäne Uma Leht tulõ vällä kolmõ nädäli peräst – 31.12.! | | | | | | | | „Tagamõtsa“ ETV-n | | | | | | Uma Lehe välläandmist tugõva Vana Võromaa Kultuuriprogramm ja | | | | | | | | | |
|
|
|
