| |  Pääleht |
| Uudissõ |
| Uma Lehe jutuvõistlus 2013 |
| Elo |
|
|
|
| | | | | Harju Ülle,
päätoimõndaja | | | | |
| Jutuvõistlus lei kats rekordit | | |
243 juttu 78 kirotajalt – säänest katõkõrdsõt rekordit es mõista külh Uma Lehe kümnendäs jutuvõistlusõs uuta.
2009. aastagal sündü eelmäne rekord – 147 juttu – ja aasta ildampa kirotajidõ rekord – 63.
Kümnele jutuvõistlusõlõ om saadõtu kokko 1163 juttu. Kirotajit om olnu kokko 215, egäst Vana Võromaa kihlkunnast Kanepist Harglõni, Räpinält Vahtsõliinani, Põlvast Karulani, Urvastõst Rõugõni ja Setomaalt viil kah.
Millest omma võidujutu kõnõlnu: võikijuuskmisõst, äpärdüsest vedronõkluga, jänesse takanajamisõst, vembust surnukuurin, päält Tsiberist tulõkit kur’ategijä passi asõmõl inemise passi saamisõst, koolilatsõ mõistatusõst sõaveteranilõ, üte hobõsõ kurblidsõst saatusõst, verdtarrõtavast vereandmisõst, «kuldsõst» daamist, luhtalännüst pahrujahist.
Timahavanõ võidujutt kõnõlõs esierälidsest kokkoputmisõst kahruga. Päält uskmada luu om seo jutu sisse poimit ka rassõt ja pümmet aigu päält sõta, ku autor lats oll’. Et tuust aost kõnõldas parhilla liiga veidü, sääne tunnõ om õhun: tuust aost om peri viil hulga jutuvõistlusõlõ kirotõduid juttõ.Muido lännü päältsõta-aig mi rahva meelest üten tuu ao inemiisiga. Teno noilõ, kiä uma mälehtüse kirja panni, om üts jupikõnõ tuust aost alalõ hoitu. Seo om kingitüs mi latsilõ ja illos lõpõtus timahavadsõlõ perimüskultuuri aastalõ. | | |
|
|
| | | | | | NB! Järgmäne Uma Leht tulõ vällä kolmõ nädäli peräst – 31.12.! | | | | | | | | „Tagamõtsa“ ETV-n | | | | | | Uma Lehe välläandmist tugõva Vana Võromaa Kultuuriprogramm ja | | | | | | | | | |
|
|
|
