| |  Pääleht |
| Uudissõ |
| Elo |
| Märgotus |
| | |
|
|
| | | Tulõ võro keele nätäl | | | Timahava peetäs võro keele nädälit 4.–8. märdikuul.
Võro kiilt kuuld nädäli seen Raadio 2 hummoguprogrammin, kon saatõjuht Vaheoja Indrek oppas tunnõtuisi võrokõisi abiga umalõ seldsilidsele Aesma Madisõlõ võro kiilt. Niisama mängitäs sis raadion inämb võrokeelist muusikat.
Ka timahava tulõ Võro latsiraamadukogon ettelugõmisõ päiv «Kullõ’, ma loe sullõ!», kon saava ilolugõmisõn mõõtu võtta 2.–7. klassi opilasõ.
8. ja 11. klassõlõ üle Vana Võromaa om mõtõld veebiviktoriin «Ütski tark ei sata’ taivast». Vällä hõigatas ka Mino Võromaa 27. kirätöie võistlus.
Mitmõn Vana Võromaa koolin peetäs tunnõ võro keelen.
Latsiaidun käü küläliisi: kirämiis Rahmani Jan, keeletiidläne Jüvä Sullõv, luudusõ- ja keelemiis Kalla Urmas jne.
Võro instituudi keelepesäoppusõ iistvõtja omma vällä paknu mõttit, midä võissi latsiaian võro keele nädälil ette võtta (kae seo luu mant kastist). Säält saava mõttit ka huvilidsõ vanavanõmba ja vanõmba.
Võro keele nädälit kõrraldas Võro instituut.
| | | | UL |
| | | | | | | Midä võissi võro keele nädälil latsiga tetä: | | | | | •Kõrralda Jäno-Jussi multikidõ kaemisõ. Kae: http://wi.werro.ee/lastekas/
•Säädi sisse lugõmispesä, kon saa juttõ lukõ ja raamatit kaia (Võro instituudist saa raamatit lainus võtta).
•Kullõlda võrokeelitsit plaatõ, kon omma pääl laulu ja jutu.
•Lukõ liisusalmõ.
•Laulda võrokeelitsit laulõ.
•Kaia Uma Pido plaatõ.
•Kõnõlda võro keelen unõjuttu.
•Meisterdä midägi võroperäst.
•Lukõ ette Umma Lehte.
•Kõnõlda pall’o võro kiilt.
Võro Instituut | |
|
|
|
