| |  Pääleht |
| Uudissõ |
| Elo |
| Märgotus |
|
|
|
| E-luudusoppus ka võro keelen | | |
Seost sügüsest saava Vana Võromaa kooli tetä luudusõ oppamist rikkambas võrokiilse e-luudusoppusõga. Seo om edimäne võrokiilne e-opiraamat, miä om mõtõld algklassilatsilõ, a passis ka latsiaialatsilõ.
Võrokeelitsest luudusoppusõst saa lats tiidä kasvõ ja eläjide umakiilsit nimmi, a ka sõnno, näütüses ilma vai vii kotsilõ. «Opitas ilma kaema ja aastaaiga vaeldumist tähele panma,» selet’ luudusõ- ja keelemiis Kalla Urmas Võro instituudist. «Andas ka nõvvu, kuis hinnäst ülevän pitä, ku välän liigut.
Naatas mitmasugumaidsi asjo sortma, kõrvuisi säädmä ja nääde olõkit perrä pruumma. Nii tahetas latsõlõ joba edimäidsi tiidüsmõtlõmise otsõ kätte anda.»
Urmas kõnõl’, et kirotõdun keelen om kaet alalõ hoita võro kõnnõkeele sõnatarvitust.
«Üteliisi püvvetäs tuuga näädätä, ku mitond muudo ja eri sõnnoka saasõ asjo seletädä,» ütel’ tä.
E-luudusoppusõ välläandmisõs teivä kuuntüüd Koolibri kirjastus ja Võro instituut. Võro instituut nakkas õkva e-luudusoppust koolõlõ tutvas tegemä.
UL
| | | | |
|
|
|
