| |  Pääleht |
| Uudissõ |
| Elo |
| Märgotus |
|
|
|
| | | | | | Harju Ülle, päätoimõndaja | | | | |
| Juhtkiri: Midä Missost oppi | | |
Misso ettevõtminõ näütäs, et noorõ perre tahtva külh maalõ elämä-tüüle tulla ja tulõva kah, ku vald ja ettevõtja takast toukasõ. Eesti keskmise palga saa Misso kandin vällä tiini külh, ku esi tegijä olõt.
A ütski noist maalõ tulnuist perrest olõ-i peri Misso kandist, nä omma pia kõik Võromaaltki kavvõmbast, mõni eski vällämaalt. Samal aol tulõ Misso koolilatsõ uurmistüüst vällä (sarnatsit töid om tettü ka tõisin maakoolõn), et suur jago nuurist tahtnu ellä uman kodokandin.
Maalt är lännü nuuri vanõmba omma olnu kimmä, et noorõ tulõ-i tagasi tuuperäst, et näil olõ-i maal tüüd. No pakutas tüüd, avitõdas elämist kõrda tetä – iks ei tulõ nuu, kiä omma peris uma.
Nuu «kivi», mille taadõ nuuri maalõ tagasitahtminõ kinni jääs, omma kongi muial. Poliitiku, kiä inne valimiisi Võromaal satu vahtsit tüükotussit lupasõ, piässi inne tuud nuu hädä kätte löüdmä ja är klaarma.
| | |
|
|
|
