| |  Pääleht |
| Uudissõ |
| Elo |
| Märgotus |
|
|
|
| | | | | | Harju Ülle, päätoimõndaja | | | | |
| Juhtkiri: Midä suvõl tetä | | |
No om suur jaanipääväpido peetü, pall’odõl nakkas puhkus ja käü kõva märgotaminõ, midä tuu vaba aoga tetä.
Kiä taht rahva seen olla, tuu piässi rõõmsa olõma, selle et egä nädälivaih peetäs mõnt suurt kultuuripito ja om hulga muid kokkosaamiisi.
A vaihõpääl om hää ka niisama koton olla. Maainemisel om hää: keedät perrele värskit kardokit, korjat mõtsast peotävve siini, võtat kasvumajast mõnõ kurgi ja omgi hää süük valmis. Piaaigu ilma rahalda saadu.
Liinainemisele mass sääne süük parhilla peris krõpõt hinda. A õkva lüü mõtsa siini ja marju täüs. Sis olõ-i ka liinainemisel määnegi suur vaiv liinast vällä sõita (näütüses rattaga) ja hindäle hääd-parõmbat lavva pääle kor’ada. Ilosat suvvõ!
| | | | |
|
|
|
