| |  Pääleht |
| Uudissõ |
| Elo |
| Märgotus |
|
|
|
| | | | | | Nelgi Aare sai laadalt pini | | | | |
| Vahtsõliina laada pääl umma otsmah | | | | Säinasti Ene | | |
| | | Veriora Tsunfti naasõ (kuralt) Hammeri Siiri, Kurvitsa Kadri ja Tasa Tea omma nännü joba mitmõ laada pääl, et võrokeelitside siltega lätt kaup häste müügis | | | | |
15. ja 16. piimäkuul peetü Vahtsõliina laada pääl jäivä silmä Veriora Tsunfti naasõ, kiä paki umma käsitüüd võrokeelitside siltega ja teno toolõ läts’ näil äri häste.
«Võrokeelidse sildi jäivä silmä ja kutsõ mano,» seledi Veriora Tsunfti naasõ Hammeri Siiri (45), Kurvitsa Kadri (28) ja Tasa Tea (40). Pääle käsitüü möivä nä võrokeelitside siltega Süvähavva luudustalo hainatsäid ja maiguhaino.
Naasõ ütli, et kukki ostja olliva inämbüisi kavvõmbast, es jää kiäki silte lugõmisõga hättä.
Sildi teivä naasõ joba Uma Pido laadas, käve noidõga ka Räpinä laadal ja egäl puul olli sildi tõmbõnumbris.
Vahtsõliinah lätsi häste kaubas Hammeri Siiri heegeldedü mängoas’a ja latsirõiva. A ostõti ka latsõ tettüid käolehmi, kündlit ja ehtit. Kadri ütel’ viil, et laat oll’ parra suurusõga. Õnnõ turukaupa oll’ näide meelest ülearvo pall’o.
Kõik kolm naist omma kododsõ, nii om aigu käsitüüd tetä. MTÜ Veriora Tsunft om luudu minevä aasta sügüse ja edimäst kõrda olli naasõ tuu nime all möömäh Lindora laada pääl.
Tsunftih om 19 inemist.
A laada pääl tull’ vasta ka Orava külä miis Nelgi Aare (66), kiä sai säält õkva tuu, midä tahtsõ – puhast tõugu krandsi. Pääle vana pini kuulmist om miis käünü ka Võro var’opaigah pinne kaemah, a olõ-i paslikku löüdnü. «Sääl omma päämidselt tõupini, kellega om pall’o sebimist,» ütel’ Aare ja vei uma vahtsõ pinikese koto valvma.
| | | | |
|
|
|
