| |  Pääleht |
| Uudissõ |
| Elo |
| Märgotus |
|
|
|
| | | | | | Kõgõ parõmba palkmajaehitäjä avvohinna võitsõ joba tõist kõrda Naruski Ahto. (Pilt: Eesti puitmajaliit.) | | | | | | | |
| Räpinä päävä tegüsäle inemisele | | | Nädälivaihtusõl kolmandat kõrda peetü Räpinä hää kodo päävä olli mõtõldu inemiisile, kiä esi koton midägi ummi kässiga är tetä tahtva.
Riidi, 7. piimäkuu pääväl oll’ Räpinä vahtsõn loomõmajan kodokujondamisõ konvõrents.
Järgmädsel pääväl peeti laata. Tüütarrin sai oppi palkmaja ragomist, savikrohvi, puutüüd, vana müübli kõrdategemist ja muud. Sai kaema ja opma minnä, kuis tetä kõrda vanna palkmajja.
Peeti ka traditsioonilist palgiragomisõ võistlust. Tuu perrä valiti Eesti kõgõ parõmbas palkmaja ehitäjäs Räpinä kandi miis Naruski Ahto, kiä om OÜ Saulerman tüümiis. Ahto võitsõ seo võistlusõ joba tõist aastat.
Räpinä aianduskuul jagi hää kodo päivil mitmõsugumast aiapidämise nõvvu.
UL | | |
| | | Palgiragomisõ võistlus. (Ilvesse Aapo pilt.) | | | | | | | |
|
|
|
