Nummõr' 284 Lehekuu 28. päiv 2013 TOIMÕNDUS UMA LEHE TELMINE ARHIIV PÄÄHÄMÄÄRMINE (reklaam)     Pääleht   Võrokõsõ, läämi Umma Pitto! Uudissõ   Contra juusk vahtsõ võrokõisi lipuga ümbre Vana Võromaa   Uma Pido ja Võhandu köütvä ütte   Orava kuul sai 140. sünnüpääväs puukujo   Pühäpaiku pildivõistlus   Zetodõl jäl plaat Elo   Võromaa kingitüs otsi esi üles!? Märgotus   Targõmba pakõsõ Võromaalt är   Uma Laul – ütele miildüs imä, tõsõlõ tütär Juhtkiri Ruitlase jutt Vana pilt kõnõlas Uma kotus Perämäne külg     Uma Laul – ütele miildüs imä, tõsõlõ tütär   Valpri Valdo, Uma Laulu hindamiskogo liigõ   Kolmandalõ Uma Laulu võistlusõlõ saadõdu vahtsõ võrokeelidse laulu olli kõik hää, hinnada oll’ maru rassõ. Kuis sa üte laulu iks tõsõst «pikembäs» vai «rassõmbas» mõõdat. 16. lehekuu pääväl Sännän Uma Laulu hindamiskogon oll’ ka nii, et ütele miildü imä, tõsõlõ tütär (mullõ miildü ämm). Egäüts ütel’ kolm-neli umma lemmikut ja nii saimi kerigu inämb-vähämb külä keskpaika. Kolmõ vällävalitut inämb umavaihõl võrdlõma es nakka: «Näkinäkjän» mõistsõ Meistri Erki kõgõ parõmbalõ kuraasi otsa käändä Contra (hään mõttõn) ull’usõlõ; «Tulede ime» autor Kelbä Heiki võitsõ ilosa sõnomi edesiandmisõ iist; Kalla Urmasõ «Mõtõ Võromaast» om üts mi vahtsõnõ tümitekst. Või olla nii, et lugõsi ka tuu, kas sa näet lauljat ja pillimiihi lava pääl vai ei – pääpreemiä saaja olli kõik luun ja lihan ka nätä. Paar luku olli mu meelest puutrist kullõldõn parõmba ku lava pääl – es saia esi asjo peräst võigõlusõ aos täüt kampa kokko. Mu meelest kannativa tuuperäst kõgõ inämb Ilvesse Aapo luu. Hindamiskogo inämbüsele miildü inämb «Kodassõ pesä», mu suur lemmik oll’ tõnõ lugu – «Kosmos». A suurõ bändi sääde oll’ lava päält puudu. Laulusõnno iist pidi piaaigu preemiä saama Vananurmõ Ilmar («Hoia sust kinni», muusiga Piirisilla Aivar), a Ilves lei massiga. Kaupli hinnäst preemjide vällähõikjas, sis sai Ilmari ja Aivari är nimmada ku võistlusõ kõgõ parõmba seto. Kullõjidõ preemiä, midä mõnõkõrd peetäs pääpreemiäs, sai Arusõ Urmeti ja Kalkuna Andreasõ «Kui sa, ni ma» – rokklugu klavessiini ja miissopraniga – nii et õigõlõ üteldä barokklugu. Tuu oll’ ka mu hindä lemmiklugu. A mille – jäi õkva nii-üteldä kummitamma. Mul om parhilla viil mitu laulu, miä pääst är ei lää! Üts lõpõs, tõnõ nakkas. Kedä huvitasõ uma laulu, saa noid kullõlda joba varsti, Umal Pidol.     Uma Laul 2013       Pääpreemiä: «Näkinäkjä» (viis Meistri Erki, sõna Contra, esitäjä Chacha Roots), «Mõtõ Võromaast» (viis/sõna/esitäjä Kalla Urmas), «Tulede ime» (viis/sõna Kelbä Heiki, laul Saarõ Piitre (Pepe), kitarr Kõlli Tiit). Rahva lemmik: «Kui sa, nii ma» (viis Arusõ Urmet, sõna Kalkuna Andreas, klavessiin Arusõ Urmet), sai ka hindamiskogo ERÄPREEMIÄ   Kalkuna Andreas Eräpreemiä: «Ütskõrd tulõ tagasi», Hainasõ Kadi – Rüütli Ingridi eräpreemiä süänd pututava laulu iist «Kodassõ pesä», «Kosmos» – Ilvesse Aapo sõnno iist «Perismaalasõ» (viis/sõna/esitäjä Peetsalu Erkki) – julgõ joro avvohind «Lebotaminõ», «Pido», Kelbä Glen – tõlkõ- ja klassigapreemiä Lauluesä Kreutzwaldi vahtsõlõ elolõ tuumisõ iist Tõsõ hää laulu: «Priistan» (viis Meistri Erkki, sõna Ilvesse Aapo, esitäjä Chacha Roots),«Kuis raha minno armast’» (viis/sõna/laul Kelbä Heiki, akordion Aropi Erja), «Hoia sust kinni» (viis Piirisilla Aivar, sõna Vananurmõ Ilmar, esitäjä Chacha Roots), «Noore lõõdsamehe laul» (viis/sõna /laul Kalla Urmas, lõõts Noormaa Tarmo), «Hellüse kipõn» (viis Kõrge Ülar, sõna Contra, esitäjä Kõrge Ülar)                     Ilvesse Aapo (kural) laulõ laulsõ lõõtsamiis Hinrikusõ Henrik, viioliga avit Varblasõ Marju.   Kelbä Heiki   Chacha Roots                     „Tagamõtsa“ ETV-n       Uma Lehe välläandmist tugõva Vana Võromaa Kultuuriprogramm ja               Uma Internetin