| | | Pühäpaiku pildivõistlus | | | Maavalla koda kuulut’ vällä pildivõistlusõ «Maavalla hiied 10226», võistlusõlõ oodõtas pilte nii hiisist ku tõisist luudusligõst pühäpaigust.
Võistlusõ pääavvohind om 400 eurot, nuuri (-16a) pääavvohind 200 eurot. Päält tuu jaetas vällä muid avvohindu: pühä puu, kivi, viikogo, anni, hiie valu, Vana Võromaa, Virumaa, saarõ, muinsuskaitsõ- ja luuduskaitsõpreemiä. Antas vällä ka maailma pühäpaiga eräpreemiä.
Pühäpaiku pildivõistlust kõrraldõdas joba kuvvõndat kõrda. Eestin om umbõs 800 suurõmbat hiiepaika, 2000 pühhä kivi, puud ja lätet, 700 ristipuud. Inämbüs näist om ohon, riik kaits näist õnnõ 15%.
Võistlust tugõva Kehrwieder, Võro instituut, Eesti Rahvaluulõ Arhiiv, Maaleht, Luudusõsõbõr, Eesti Luudus, Maakodo, Uma Leht, Tihuse hobuturismitalo, Krautmani tervüseakadeemiä, «Luudusõ aasta foto», keskkunna- ja muinsuskaitsõammõt.
Võistlus käü kooni 31.10.2013. Võitja kuulutõdas vällä 23.11. Tarton hiie väe pidol. Teedüst saa mano: http://www.maavald.ee/kuvad/ vai Kaasiku Ahto käest tel 5668 6892.
UL |
|
Pääleht
