|
Mitukümend aastat tagasi es olõ Eestimaal viil kiäki tomatit nännü. A Peterburin olli nuu joba müügil, kost üts' paiklik inemine tuu imeas'a sõs ka koduküllä tõi. Vanamehe sõs kaiva tuud ja üts' ütel': seo om jo näioupin! Kinä umakeelidse nime märkse vällä!
Kimmäle tiidvä kõik' ütte vahtsõl aol vällämärgitüt sõnna: pudsunudsija.
Võro instituudi man käü kuun sõnaraamadu tüürühm, kiä märk' ka vällä vahtsit sõnnu. Tuu rühm om vällä nuputanu sääntse vahtsõ sõna:
lift - nõstukapp'
liköör - makus viin, makõ naps'
lintšima - umakohtuga nuhklõma
loorber - süldileht'
loorberipärg - süldilehekrants'
aktimodell - ihonäütäjä
monotoonne - üteline, ikäv, ütetasanõ
nostalgia - kodoikäv, makõhalu
nostalgiline - makõhallus
odekolonn - nuhevesi
okupant - alahiitjä
operatiivne - kipõas'alik, teküs
Ku ti olõt ka kuulnu mõnt vahtsõt sõnna tarvitav, antkõ tuust teedä! Ja kirotagõ vai kõlistagõ, midä ti ka naist vahtsist sõnnust arvati. Võro Instituut', Tartu 48, 65609, Võro, e-post': wi@wi.werro.ee, tel: 78 21 960.
UL | |
|
|
| Kae, miä ütel´!
Tahassi, et Vilja Selverist saassi võrokõstõ uma ja hää kauplus!
A-Selveri päälik Taube Ain opsõ Vilja Selveri vallategemisõs är võrokeelidse tervitüse
| |
| |
|
|