| |  Pääleht |
| Uudissõ |
| Elo |
| Märgotus |
|
|
|
| | | | | | | | Võromaa muusõumi pildi | | | Kaablipandminõ Võro liinan Lenini (parhilla Jüri) uulidsa pääl 1957. aastal. | | | | |
| Võrol otsitas elevanti... | | |
...tull' päähä lustlik mõtõ, ku kai seokõrdsit vanno pilte.
Üte pildi pääl om nätä, et üle kümne inemise vidävä hindä takan suurt köüst nigu elevandi lonti. Tõõsõ pääl pruumva puulsada inemist «elevanti» vällä kaiba. No ja sis viil tuu fakt, et 1930. aastil kirodi lehe, et Võrolõ tulli tsirkusõelevandi, a ütski leht es kiroda, et nä siist är lätsi!
Ku peris ausa olla, sis om pildi pääl kraavikaibminõ ja kaablipandminõ tuuaigsõ Lenini (parhilladsõ Jüri) uulidsa pääl 1957. aastal. Sis oll' taa uulidsa pääl viil munakivikatõ.
Seo pilt näütäs viil kõrd, et kõgõ tegüsämb massin om iks niinimmat Hiina ekskavaator - inemine uma katõ käega.
Seo om ka väikene miildetulõtus tulõvalõ aolõ - säänest pilti või pia jälki nätä, ku Võrol naatas Kreutzwaldi uulitsat kõrda tegemä.
Ruusmaa Arthur,Võromaa muusõumi päävarahoitja
| | | | |
|
|
|
![](javascript:var newWin=window.open("naita_pilti.php?pilt=img/3077.jpg&h=403&w=600","","toolbar=no,location=no,directories=no,status=no,menubars=no,scrollbars=no,resizable=no,width=600,height=403"))
![](javascript:var newWin=window.open("naita_pilti.php?pilt=img/3078.jpg&h=394&w=600","","toolbar=no,location=no,directories=no,status=no,menubars=no,scrollbars=no,resizable=no,width=600,height=394"))
