Nummõr' 279 Urbõkuu 19. päiv 2013 TOIMÕNDUS UMA LEHE TELMINE ARHIIV PÄÄHÄMÄÄRMINE (reklaam)     Pääleht   Mõtsaeläjä elli talvõ häste üle Uudissõ   Haanin jagati Hindätiidmise avvohindu   Rahvamuusikapido Osolan Elo   Autoremondimiis Tsoorust: tegijäl tüüd jakkus! Märgotus   Lõunõ-Eesti süä ja timä pardakk   Vinne «visiitkaarti» Eestin nätä ei taha Juhtkiri Ruitlase jutt Vana pilt kõnõlas Autopuut Kiri Perämäne külg     Haanin jagati Hindätiidmise avvohindu   Harju Ülle ylle@umaleht.ee       HARJU ÜLLE PILT   Põlva Mesimummi latsiaia oppaja Toropi Inge (kural) ja Hal- lapi Lea saava Kuuba Raineri käest avvohinnatsirgu.       Imäkeelepääväl (14.03.) kiteti Haani koolin hindätiidmise avvohinna saajit. Vana Võromaa hindätiidmise avvohinna uma keele-meele hoitmisõ ja edesiandmisõ iist saiva Põlva Mesimummi latsiaia Meelespea rühm, Haani kuul ja Krabi külätiatri. Põlva latsiaia Mesimumm Meelespea rühmä kiteti tuu iist, et sääl tetäs joba tõist aastagat kõrd nädälin võrokeelist keelepesäpäivä. Oppaja Hallapi Lea ja Toropi Inge kõnõlõsõ sis latsi ja näide vanõmbidõga õnnõ võro keelen. Keelepesäpäävä takan om pikk umakiilne ja -miilne toimõndaminõ. 1988. aastagast om latsiaian folklooriandsambli Käokiräs. Sääl mängvä ja laulva latsiaiaoppaja, inneskidse ja parhilladsõ latsiaialatsõ. Vana Võromaa laulõ, mänge ja tandsõga käü Käokiräs püüne pääl kodokandin, muial Eestin ja lajan ilman. Haani koolin opatas võro kiilt 1997. aastast pääle. Haani opilasõ mängvä Puiga näütemängüpääväl võrokeelitsit tiatritükke, kirotasõ «Mino Võromaa» võistlusjuttõ, käävä Adsoni-nimelidsel umakeelitse luulõlugõmisõ võistlusõl. Timahavvatsõl võro keele ja kultuuri olümpiaadil sai Haani kooli opilanõ Vodi Ilmar 8. klassõ arvõstusõn 3. kotussõ, tedä juhend’ Leidi Kersti. Üten Haanimiihhi nõvvokuaga omma latsõ joba mitu keväjät ette lugõnu Haanimaa saamisluku «Haanimaa legendi» ja tsehkendänü taast pilte. 13 aastakka tegutsõnu Krabi külätiatri tull’ 2006. aastagal edimäst kõrda vällä võrokeelidse tüküga «UmMmbe vigatse pruudi». Päält tuud om punt õnnõ võrokeelitsit tükke mängnügi (kokko 12 tükkü). Kõik tükü omma pundi vidäjä Mürgü Marje iistvõtmisõl esi kirja pantu. Krabi külätiatri miildüs rahvalõ. Näütüses tükkü «Pinsipäiv» om mängitü üle Eesti inämb ku 70 kõrda. Hindätiidmise avvohinnas om Margna Epu kujondõt tenokiri ja Roosma Anu tett savist võro keele tsirk. Preemiäraha and Vana Võromaa kultuuriprogramm. Hindätiidmise avvohinda andsõ Võro instituut üten Vana Võromaa maavalitsuisiga joba tõist aastakka.         „Tagamõtsa“ ETV-n       Uma Lehe välläandmist tugõva Vana Võromaa Kultuuriprogramm ja               Uma Internetin