Nummõr' 277 Radokuu 19. päiv 2013 TOIMÕNDUS UMA LEHE TELMINE ARHIIV PÄÄHÄMÄÄRMINE (reklaam)     Pääleht   Umavalitsusõ saiva kingis võrokõisi lipu Uudissõ   Parõmba võro keele tundja koolinoorõ omma teedä   Suidsusannapaprõ omma UNESCO jaos valmis   Võrokeelitside näütemänge kogo   Tähistedi Võru kirämehe Raidaru Vole 100. sünnüaastapäivä   Kiräsõnapäiv Adsoni majan Elo   Võromaa poisi pasva sõaväkke   Vabadusõ lipp Märgotus   Võro värmi Juhtkiri Ruitlasõ jutt Perämäne külg Vana pilt kõnõlõs Uma kotus Kiri   Kiräsõnapäiv Adsoni majan   Võromaalt Sännäst peri kirämehe Adsoni Arturi hällüpäävä (3.02.) aigu saiva Underi ja Tuglasõ kirändüskeskusõ (UTKK) muusõumin kokko umakiilse kiräsõna sõbra. «Seo maja sainu vaihõl omma alalõ kõiki noidõ inemiisi suhtõ, kiä siin elänü omma,» niimuudu mõlgut’ kirämiis ja muusik Sommeri Lauri Tal’nan Rahumäel Adsoni Arturi ehitedün majan. Parhilladsõ UTKK kirändüsosakunna maja ehit’ Adson üten Underi Mariega 1933. aastagal. 1944 pagõsi nä säält vällämaalõ. Päält sõta elli tan majan kirämiis Tuglas. Adsonilõ pühendedül kirändüsõdagul kuuldsõ mõttit, miä köütse kokko võrokõsõ, Adsoni ja Sännä. Mõni oll’ Pärlijõõ veeren kar’an käünü, kirämiis Sommeri Lauri eläs Sännä lähkül Räestül ja kõnd egä päiv Adsoni latsõpõlvõpaiku pite. Sommeri Lauri kõnõl’ pikält tuust, kuis tä om arru saanu Adsoni ja Underi vaihõlidsõst köüdüssest. «Tuujaos oll’ vaia julgust, et nii kõvva armasta. Säänest lähküst, kon igätsüs ja peris elo kokko läävä, mi aol vast inämb ette ei tulõ,» märgot’ Sommer ja lugi Adsoni luulõtuisi esierälidse väega. Sommeri Lauri kõnõl’ ka mulke ja setodõ kiräsõnast. Tä lugi mulke Adamsoni Hendriku ja Lättemäe Eha loomingut, seto Vananurmõ Ilmari laulõ timä armastuskogost «Vii üle vii». «Adsonil ja Vananurmõl om mõlõmbal kodomaa-igätsüs: üts iksõ Rootsist Võromaad takan ja Vananurm ikk Vinnemaa ala jäänüt Setomaad,» märgot’ Sommer. Tulõva aasta saa 125. aastakka Adsoni sündümisest ja tuu hällüpäävä puhul plaanva UTKK ja Võro instituut vällä anda paksõmba raamadu Adsoni luulõtuisist. Allasõ Tiia             „Tagamõtsa“ ETV-n       Uma Lehe välläandmist tugõva Vana Võromaa Kultuuriprogramm ja               Uma Internetin