Nummõr' 72
Paastukuu 15. päiv 2005
  • TOIMÕNDUS
  • OTSI
  • UMA LEHE TEL´MINE
  • ARHIIV'
  • PÄÄHÄMÄÄRMINE (reklaam)
  •  
     
    Pääleht'
    Uudissõ
     
  • Tetäs umakeelitsit saatit
  •  
  • Võrumaal omma kõgõ külmembä üü
  •  
  • Võro kirämehe teivä «Tunnikontrolli»
  •  
  • Tulõ luulõvõistlus Adsoni Arturi avvus
  • Elo
     
  • Rotirahva õnnõtus: 16 sorka jäi handapiten kokku
  •  
  • Uma nimega vorst'
  •  
  • Luigaq külmähädän.*
  • Märgotus
     
  • Saamõ vahtsõstsünd
  •  
  • Latsi iist piä-i kiilt är käkmä!
  • Kagahii
    Küsümine
    Aholämmi
    Kirä
    Perämäne külg
     
     
     
     
    Võro kirämehe teivä «Tunnikontrolli»
     
    Harju Ülle
    ylle@umaleht.ee
     
     
    Kiä võro kirämiihist Ilvesse Aapost, Ruitlasõ Olavist, Contrast, Rahmani Janist ja Pulga Jaanist pidä, tuul tasus kaia telesaatit «Tunnikontroll» ja «Pealtnägija», kirämiihi näüdätäs telepurgin seo vai järgmäne nätäl'.

    Televis'oon' rünnäs kirämiihi 12. paastukuu pääväl, ku nä Tal'nan umma vahtsõt ütist raamatut «Viie pääle» näütsivä.

    Tuud kirämehe ei reedä, kiä «Tunnikontrollin» kõgõ inämb rahha vällä tiin', a Ilvesse Aapo jutu perrä sai nall'a kõvastõ.

    «Kõgõpäält touksimi ette Pulga, kinkalõ tulli väega rassõ küsümüse,» valgust' Ilves. «A Pulk om meist jo kõgõ koolitatumb miis' kah, lisas oll' täl kraadiga abilinõ Kõivupuu Marju.»

    Contrat avit' nuputamisõ man jäl matemaatigaolümpiaadi-minevik.

    «A Ruitlanõ oll' üten uma abilisõ Rooste Jürgeniga nigu kats' Tootsi – kraaklõmist oll' pall'o ja õigust oll' näil ülejäägiga,» muhel' Ilves. «No küsümüse olli rassõ ja nõmõda kah!» õigust' hinnäst Ruitlanõ. «Lahenda sis määnestki matemaatigaülesannõt, ku olõt õkva lava päält maaha astnu!»

    Lisas aiõ Kersna Vahur Võromaa kirämiihiga pikkä juttu «Pealtnägija» saatõ jaos. Üles võeti ka raamaduesitlüst ja kontserti. «Väega hää oll' juttu aia, rahha tä külh es paku, a es küsü rasõhit küsümüisi kah!» kommõntiir' Ruitlanõ.
     
    Vahtsõnõ «poistebänd»
     
    Et võro kirämehe raamadu näütämise aigu pall'o laulva, sis andva nä joba bändi mõõdu vällä. «Mi teemi asja, mille kotsilõ võit üldä «muusikalinõ naivism,» kõnõl' Pulga Jaan. «Meid tohe-i aga segi aia säändse pundiga nigu «Poiskõsõ», kutske meid nimega «Täüsmehe»!»

    «Nõmme kultuurikeskusõ juht' es mõista inne mi esinemist meist midägi arvada, a perän tull' mano ja ütel': «Seo om tõsinõ folkloor!»,» kõnõl' Rahmani Jan Tal'na ülesastmisõst.

    Raamadut «Viie pääle» näüdätäs Võron Võro instituudi saalin Uma Lehe ilmumise pääväl (15.03) kell 17.
     
     
    Mis sa arvat?
     
     
     
    Ilm
    Uma Internetin
     
     
     Kae, miä ütel´!


    Tahassi, et Vilja Selverist saassi võrokõstõ uma ja hää kauplus!

    A-Selveri päälik Taube Ain opsõ Vilja Selveri vallategemisõs är võrokeelidse tervitüse

     
       
     Uma Lehe sõbõr!