| Pääleht |
Uudissõ |
Elo |
Märgotus |
|
|
|
| | | | Harju Ülle, päätoimõndaja | | | |
Juhtkiri: Kas maal sis om tüüd vai olõ-i? | |
Ma es usu ummi silmi, loi kats kõrda Misso valla kodolehe päält «Tule maale!» tüüpakmisõ kuulutuisi – 17 kuulutust Misso vallast?! Ja olõssi sis miinimumpalgaga, ei: kõgõ väikumb palganummõr oll’ 400 eurot kuun (koka palgas siski nigu kõhnavõitu?) ja kõgõ priskemb Eesti keskmädse kanti!
No hääkene külh, äkki om tuu õnnõ üten vallan nii, mõtli. Käve uurman ka vana Võromaa tõsõn veeren – Ihamarun Tamme Pagarin. Umanik Ojatammõ Heilo ütel’ tuudsamma: olnu inemine võtta, võtnu kõrraga tüüle.
Hää lugõja, äkki ti mõistati seletä, kuis sis om: kas om maal tüüd, nigu tüüpakja kõnõlõsõ, vai olõ-i tüüd, nigu kõnõlõsõ nuu, kiä är liina vai vällämaalõ läävä?
Kirotagõ vai kõlistagõ ja ütelge, kuis ti tiiäti!
| | |
|
|
|