| |  Pääleht |
| Uudissõ |
| Elo |
| Võrokõisi lipp |
|
|
|
| Aasta tsirko olõ-i kats aastat nännö | | |
Eesti Ornitoloogiaühing valisi 2013. aasta tsirgos nurmkana. Nurmkana eläs hainamaa pääl, koh om mõni puhmakõnõ kah.
Kõgõ rassõmb aig om nurmkanalõ suurõ lumõga talv, ku tsirgokõnõ tulõ huunidõ mano süvvä otsma. Perämädse kats suurõ lumõga talvõ panni nurmkana arvukusõlõ suurõ põndsu – olõ-i nurmkanno ega näide jälgigi kats aastat kodo man nännö.
Ku nurmkanno om tarõ man nätä, võisi näile kipõstõ kuusõheki vai puhma ala terri tsiugada. Nä harinõsõ kipõstõ süümä käümä ja näid om illos kaia.
Eestin eläs nurmkanna vähämb ku 7000 paari. Kah’os om nurmkana jahitsirkõ nimekiräh ja minevädsel huuaol lasti näid Tartomaal kuus tükkü.
Andkõ kimmähe ornitoloogiaühingulõ teedä, ku nurmkanno näeti! Ilosat nurmkana-aastat!
Lepiski Arvi, tsirgo-uurja Räpinält
| | | | |
|
|
|
![](javascript:var newWin=window.open("naita_pilti.php?pilt=img/3006.jpg&h=114&w=100","","toolbar=no,location=no,directories=no,status=no,menubars=no,scrollbars=no,resizable=no,width=100,height=114"))
