| Pääleht |
Uudissõ |
Elo |
Märgotus |
|
|
|
| | | | Savõrna lõõdsameistri Tartese Heino Kikka Karla pildiga | | | |
Lõõdsamehe Kikka Karla mälestüspäiv Savõrnan | | Luiga Anu, Valgjärve valla kultuuritüütäjä | |
17. märdikuul sai Savõrna küläkeskusõn kokko hulga lõõdsamängjit üle Eesti, et mälestä inneskist lõõdsakuningat Kikka Karlat.
Savõrna lõõdsameistri Tartese Heino tahtminõ oll’, et sääne ettevõtminõ olõsi Valgjärve vallan, kon Kikka Karla elli ja tüüd tekk’.
Paiga pääle tull’ nii pall’o huviliidsi, et nä vaivalt saali är mahtu, kokko pia 200 inemist.
Ummi mälehtüisi Kikka Karlast kõnõli ja lukõ mänge Teppo Aivar, Tauli Ants (mänge Kikka Karla pilli), Noormaa Tarmo, Ubina Juhan ja Lindvesti Ain.
Välän oll’ pildinäütüs Eesti kuulsambist lõõdsamängjist ja lõõdsa-ettevõtmiisist.
Kikka Karla mälestüspääväle olli tulnu ka timä sõsar uma perrega ja sugulasõ, kiä olli süämest tenoligu säändse väärt ettevõtmisõ iist.
Kontsõrdi lõpun mängse 36 lõõdsamängjäga orkestri. Päältkaejidõ suurõ nõudmisõ pääle mängiti kõrrast vahtsit lukõ.
Et pillimängjä tühä kõtuga kodo es pidänü minemä, aviti pruukostiga kotusõpäälidse ettevõtja: Vaasa Vahur ja Tullike, Ani Ülle ja Friedel, Andressoo ja Hausenbergi pere.
Loodami, et Kikka Karla 100. sünnüaastapääväl 2014. aastal om ettevõtminõ viil võimsamb ja vahtsit lõõdsamängjit om mano koolitõt.
Tuu nimel tege Tartese Heino üten sõpruga kõvva tüüd.
| | |
|
|
| | | Uma Lehe välläandmist tugõva Vana Võromaa Kultuuriprogramm ja | | | | | |
|
|
|