| |  Pääleht |
| Uudissõ |
| Elo |
| Märgotus |
|
|
|
| | | | | | Põlvan saa lõõdsamängu oppi joba kuvvõndat aastat | | | | |
| Rahvamuusigakursusõ Põlvan | | |
MTÜ Lõõtspilliselts nakkas ka seo süküs Põlvan lõõtspillimängu oppama. Joba kuvvõs lõõdsakursus om innekõkkõ mõtõld noilõ, kiä omma edimädse tutvusõ pilliga joba tennü.
Opatas vahtsit lukõ, päämidselt Harmoonia-pido ummi. Näüdätäs ja kullõldas esi mängustiile, kõgõ inämb traditsioonilist küläpillimehe umma. Arhiivilinte päält saa kullõlda, kuis mänge Kikka Karla, Teppo August, Sepä Elmar ja tõsõ.
Lõõdsamängu oppasõ Tartese Heino, Kreegipuu Kalev, Suurõ Olev, Pähnä Riho, Ojasaarõ Toomas, Hinrikusõ Henrik ja Kooli Kristi.
Päält Teppo lõõdsa kursusõ naatas Põlvan seost sügüsest edimäst kõrda rahvakannõld oppama. Opma omma oodõdu kõik, kinkal seod tüüpi kannõl koton sais ja huvvi om.
Kandlõmängu oppas Tartese Heino.
Nii lõõdsa- ku rahvakandlõkursusõ omma kõrd kuun Põlva muusigakoolin. Edimäne lõõdsaoppus tulõ 28. rehekuu pääväl kell 11, kandlõoppus 4. märdikuu pääväl kell 11.
Edimäne oppus om pühäpäävä, edespite naatas kokko tulõma puulpäivilde.
Kursuisi aokavva ja lähembät teedüst saa kaia Internetist lõõtspilliseldsi kodolehe päält vai küssü rahvakultuuri keskusõ Põlvamaa spetsiälisti Taali Kati käest tel 5802 2858 vai kati.taal@rahvakultuur.ee.
UL
| | | | |
|
|
| | | | | | Uma Lehe välläandmist tugõva Vana Võromaa Kultuuriprogramm ja | | | | | | |
|
|
|
