| Pääleht |
Uudissõ |
Elo |
Märgotus |
|
|
|
| | | | Krutskilidsõ kostümeeridü Rõugõ muusigamehe | | | |
Lustlik pilt muusigapääväs | |
1975. aastast peetäs 1. rehekuul riikevaihõlist muusigapäivä. Tuu ettevõtmisõ lei käümä viiolimiis Menuhini Yehudi, kiä oll’ tuudaigo maailma kõgõ parõmbidõ muusigamiihi riikevaihõlidsõ muusiganõvvokogo president.
Ka Eesti muusiganõvvokogo pidä seod päivä ja sis andas vällä aastapreemiä helüloomingu, interpretatsiooni ja pedagoogilidsõ tüü iist.
Ka Võromaal om muusiga avvo seen olnu, esieränis puhkpillimuusiga.
Võron tüütänü Võro garnisoni orkestri kuulsa Tammõ Eduardi juhtmisõl oll’ oodõt küläline pidossil, aktuisil, aastapäävä ettevõtmiisil ja muial.
Puhkpillimuusikat oll’ kuulda võrokõisi pargikontsertõl, vissi-ijä pääl, tiatrin ja salongiõdakil – ilma puhkpillimuusikalda es peetä Eesti vabariigi edimädsel aol üttegi Võro liina ja maakunna ettevõtmist.
Hää om nätä, et täämbägi om võrokõnõ, Eesti kaitseväe orkestri päädirigent Saani Piitre seod tsihti edesi ajanu.
Muusigamehe olli luuja inemise ja lubasi hindäle ka krutskit. Täämbädsegi pildi pääl om nätä üts sääne kostümeerit ja grimeerit muusikalinõ seltskund Rõugõn 1937. aastal.
Riikevaihõlidsõ muusigapääväni jäi sis viil 38 aastat.
Ruusmaa Arthur, Võromaa muusõumi päävarahoitja
| | | | |
|
|
| | | Uma Lehe välläandmist tugõva Vana Võromaa Kultuuriprogramm ja | | | | | |
|
|
|