Nummõr' 263 Põimukuu 7. päiv 2012 TOIMÕNDUS UMA LEHE TELMINE ARHIIV PÄÄHÄMÄÄRMINE (reklaam)     Pääleht   Minevä nätäl’ oll’ Haanimaal suidsusanna nätäl Uudissõ   Kas ilm lask vilä är võtta?   Vana Võromaa saatkund Seto kuningriigi pääväl   Vahtsõ võrokiilse latsiraamadu   Mehelaul õkva elost Elo   Rumvoldi Aivar: tüüd või tetä, a vaiva ei tohe nätä! Suvõülikuul   Rogenbaumi Monika: Harglõ om mu kodu – mu mõtsa, mu jõgi, mu aid...   Hää võrokõsõ ni võrokõisi sõbra, trehvämi suvõülikoolin!   Kaika 24. suvõülikuul Harglõn 10.-12.08. Juhtkiri Piimäpukk Ruitlase jutt Vana pilt kõnõlas Perämäne külg       Üts huvitavamb oppus pioneerilaagrin: kuis tetä tõrvavaati       Võidumehe 125 sannavihaga   3. põimukuul 1953. aastal tulli Pugola 7-klassilisõ kooli (1957. aastagast nimmati ümbre Misso koolis – UL) huuvi laagrihe Vahtsõliina rajooni pioneeri, et pioneeritarkuisi abiga tüüst ja puhkusõst mõnno tunda. Üts pidolidsõmb asi oll’ laagrilipu ülestõmbaminõ egä hummok. Tuu au anti eelmädse päävä kõgõ parõmbilõ pioneerele. Laagriello mahtu tüüd, sporti, esitegemist ja laagri sainalehti tegemist. Üts tüü oll’ lehesvihtu tegemine kotusõpäälitsele kolhoosilõ. Võidumehes tull’ tõsõ rühmä edimäne salk, kon katõssa tütärlast tei 125 vihta. Huvitavambas ettevõtmisõs om märgit matk Käbli küllä lavvatehassõhe, kon latsõ sai tävvelidse pildi tõrvatünnü tegemisest algusõst lõpuni (kae pilti). Viil käüti matkal Mustajärve ja Hino järve ümbre ja tetti tüüd Pugola kooli katsõaian. Õdagist tetti sporti, tandsiti ja laulõti – luudi uma laulukuurgi. Kõik neo ettevõtmisõ panti kirja laagri sainalehte (kae 2. pilti) ja kor’ati kokko albumihe, mis om joudnu Võromaa muusõummi. Pildi albumihe tekk’ Misso kooli oppaja Hollo Alfred.   Vahtsõliina rajooni pioneeri Misson laagri sainalehte tegemän           Ruusmaa Arthur, Võromaa muusõumi päävarahoitja                 Uma Lehe välläandmist tugõva Vana Võromaa Kultuuriprogramm ja           Uma Internetin